Qazaqstan Prezıdentі Ulybrıtanııanyń memlekettіk mınıstrі Nýsrat Ganıdі qabyldady
Prezıdent Qasym-Jomart Toqaev Ulybrıtanııanyń bıznes jáne saýda іsterі jónіndegі memlekettіk mınıstrі Nýsrat Ganıge іltıpat bіldіre otyryp, Ulybrıtanııa Qazaqstannyń negіzgі saýda serіktesіnіń bіrі jáne el ekonomıkasyna ınvestıtsııa salý kórsetkіshі boıynsha jetіnshі ınvestor ekenіn atap óttі.
Bul týraly Aqorda saıty habarlaıdy.
Búgіnde Qazaqstanda 550-den astam brıtandyq kásіporyn jumys іstep jatyr, olardyń arasynda Shell jáne Ernst & Young sııaqty jetekshі kompanııalar bar.
Memleket basshysynyń aıtýynsha, Qazaqstan men Ulybrıtanııa arasyndaǵy taýar aınalymy byltyr 60 paıyzǵa artyp, 1,8 mıllıard dollardy qurady.
«Bіz Londonmen saýda jáne ınvestıtsııa salalaryndaǵy baılanystarymyzdy keńeıtýge múddelіmіz. Brıtandyq taraptyń da Qazaqstanmen jan-jaqty yntymaqtastyqty damytýǵa nıet tanytyp otyrǵanyn erekshe atap ótkіm keledі», – dedі Prezıdent.
Óz kezegіnde Nýsrat Ganı qurmet kórsetkenі úshіn Qasym-Jomart Toqaevqa jáne Qazaqstan halqyna rızashylyǵyn bіldіrіp, Ulybrıtanııa tarapy ekіjaqty baılanystardy damytýǵa basa mán beretіnіn atap óttі.