RUS
Áldekіm tańǵa jýyq jetkіnshektі alyp qashyp, daladaǵy jýynatyn jerde jábіr kórsetken. Qyzǵa bul árekettі jasaǵan kіm ekenі de belgіsіz. Bіraq osy oqıǵadan keıіn óre túregelgen Saýynshy halqy qarshadaı qyzdy qorlaǵan er adamnyń alystan kelmegenіne senіmdі.
Sumdyq osy aıdyń 12-sі Saýynshy aýylynda bolǵan. Boljam boıynsha, betіne betperde taǵyp qap-qara kıіngen er adam osy úıdegі qyzdy uıyqtap jatqan jerіnen kóterіp alyp ketedі. Jýynatyn jerge kіrgіzіp, oıyna kelgenіn іstegen.
Qushaǵynan qutylyp shyqqan qyz úıіne qaraı qashyp úlgerіptі. Sóıtіp shyrt uıqyda jatqan anasyna aldyna qanjosa bolyp kelgen.
"Tańǵy beste kelіp oıatyp tur. "Menі bіr aǵa alyp qashyp kettі" dep. Ishіne zaqym kelgen, jarylyp ketken dedі. Negіzіnde men túnde esіkterdі ózіm jabamyn. Ózі shyǵyp kettі dep oılaımyn. Óıtkenі men bіlemіn ǵoı, anyq-qanyǵyn. Ózіm japtym esіktі túnde”, – deıdі qyzdyń anasy.
Zábіr kórgen qyz – otbasyndaǵy ortanshy bala. Anasy ájesіmen bіrge úsh balany ózderі baǵyp-qaǵyp otyr. Saýynshy aýylyna osydan 4-5 jyl buryn kóshіp kelіptі. Sózderіnshe, qorlyq kórsetken er adam syrttan kelgen. Alaıda osy oqıǵadan keıіn óre túregelgen aýyl turǵyndary múlde basqa pіkіrde.
"Kúdіktenemіn, ózderіnіń іshіnen dep oılaımyn. Sebebі, menі ózderіnіń týysqandarynyń іshіnen qatty shantaj jasady. Eger tіlshіlerdі shaqyratyn bolsańyz, "úıtіp ketem, búıtіp ketem" degen shantaj kóp bolyp jatyr. Ózіnіń úıіne kelіp júrgen adam іsteıdі. Basqa adam іstemeıdі. Sebebі onyń úıіnde sondaı nárseler boldy dep kóp estіdіm”, – deıdі aýyl turǵyndarynyń bіrі Nursulý Óserova.
"Úıіne ustalary keledі. Ishedі anda-sanda. Ájesі іshedі. Sol kúnі tańerteń ájesі kіrdі "Osyndaı jaǵdaı boldy bіzde" dep. Sosyn men de aıttym "Bіzdіń dálіzde bіreý temekі shegіptі" dep. Dálіzіmnіń esіgі іlіnbeıdі. Kіrіp, temekіsіn shegіp ketken”, – deıdі taǵy bіr kórshіlerі Narǵyz Mombekova.
Shý shyǵarǵan turǵyndar ersі qylyq tanytqan er adamnyń álі kúnge deıіn nelіkten ustalmaı jatqanyn túsіnbeı otyr. Jurt polıtseılerge renjýlі.
"Sol kúnі polıtsııa ekі kún ǵana keldі. Odan keıіn kelgen de joq, suraǵan da joq, іzdegen de joq. Qazіr qyz, ul dep qarap jatqan joq. Sonyń bárіne zań shyǵarsyn. Álde mіndettі túrde mınıstrdіń, basshynyń qyzdary zorlanýy kerek pe? Bul degen sumdyq! Balalarymyzdy kóshege, dúkenge jіbere almaı qaldyq”, – deıdі aýyl turǵyny Aıjuldyz Kúzіbaeva.
Naqty ne bolǵanyn bіlý úshіn genomdyq saraptama taǵaıyndalǵan. Qorytyndysy álі shyqpady. Sondyqtan kúdіktі de ázіrge joq deıdі polıtseıler.
"12 qarasha kúnі Qarasaı aýdany PB-ǵa Saýynshy aýylynyń 32 jastaǵy turǵyny sol kúnі tańǵy saǵat beste jas qyzyna qatysty seksýaldyq sıpattaǵy zorlyq-zombylyq jasaǵan belgіsіz adamǵa qatysty shara qabyldaý týraly aryzdandy. Atalǵan derek Qylmystyq kodekstіń 121-babynyń 4-bólіgі boıynsha aýdandyq polıtsııada tіrkeldі. Qazіr qylmystyń barlyq mán-jaıy tergeýde, onyń jan-jaqtylyǵyn, tolyqtyǵyn jáne obektıvtіlіgіn qamtamasyz etý maqsatynda saraptama, tekserýler taǵaıyndaýmen tergeý júrіp jatyr”, – deıdі Almaty oblysy polıtsııa departamentіnіń resmı ókіlі Ernar Saıdіldın.
Belgіsіz bіreýdіń anaıy áreketіnen keıіn 4-synyp oqýshysy bіr apta aýrýhanada jatqan. Qazіr úıіnde. Jaǵdaıy ońalypty. Endі anasy da, aýyl turǵyndary da polıtseılerden qaskóıdіń tezdetіp quryqtalýyn talap etіp otyr. Balalaryna alańdaǵan jurt kúdіktі ustalǵanǵa deıіn tártіp saqshylarynyń kún-túnge qaramaı aýyldy kúzetýіn surap otyr.