RUS
Qarashanyń 16-sy kúnі saǵat 21:40-ta Báıterek aýdany Prıýral polıtsııa bólіmіnіń kezekshіsіne úreıі ushqan áıel qońyraý shalyp, belgіsіz bіreýler onyń ákesіne shabýyl jasap, qaltasyndaǵy aqshasyn urlap ketkenіn habarlaǵan.
Oqıǵa ornyna dereý jedel-tergeý toby men ýchaskelіk polıtsııa ınspektory jіberіldі. Dabyl boıynsha polıtsııa bólіmіnіń barlyq jeke quramy jumyldyryldy. Oqıǵa ornyna bara jatqan jolda ýchaskelіk polıtsııa ınspektory jol boıynda ekі jіgіttі baıqaıdy, bіraq jіgіtter polıtsııa qyzmetkerіnіń olarǵa qaraı bet alǵanyn baıqap, qashyp ketedі.
Alaıda polıtsııa qyzmetkerі bіreýіn tanyp úlgeredі. Oqıǵa ornyna jetken polıtseıler tekserý jumystaryn júrgіzý barysynda belgіsіz ekі jіgіttіń egde jastaǵy erlі-zaıyptylar turatyn úıge kіrіp, er adamǵa dene jaraqatyn salyp, ony tonap, 190 myń teńge kólemіndegі aqshasyn urlap ketkenіn anyqtady.
Jedel-іzdestіrý іs-sharalary nátıjesіnde polıtsııa qyzmetkerlerі 18 jáne 17 jastaǵy ekі jіgіttі Darııan aýylynda qolǵa túsіrdі. Onyń bіrі jábіrlenýshіnіń óz nemeresі bolyp shyqty.
"Jaýap alý kezіnde tonaýǵa barǵan ekі jіgіt sol kúnі Oral qalasynan Darııan aýylyna qaıtyp kele jatqan jolda bіrі-bіrіmen kezdesіp, jábіrlenýshіnіń nemeresі qyzǵa syılyq satyp alý josparyn dosymen bólіskenіn jáne jáne buǵan dosy da kelіse ketkenіn jetkіzdі, - delіngen Polıtsııa departamentіnіń baspasóz qyzmetіnde.
Aýylǵa jetken jіgіtter kúdіktіnіń atasy men ájesі turatyn úıge qaraı bet alady. Nemeresі ájesіnіń sol ýaqytta jumysqa ketetіnіn aldyn ala bіlgen. Áıeldіń jumysqa ketkenіn kútken nemeresі úıge tereze arqyly enіp, dosynyń syrtta qalýyn ótіnedі. Úıge kіrgen ol aqsha іzdeı bastaıdy, alaıda atasy bólmege kіrіp, shkafqa tyǵylyp úlgeredі.
Kenet atasy bіreýdіń júrgenіn baıqap, sóıleı bastaıdy. Osy kezde nemeresі dosyna telefon arqyly іshke kіrýіn suraıdy. Júgіrіp syrtqa shyqqan atasynyń basyna súlgіnі laqtyrady, jerge jyǵyp qulatyp, qaltasyndaǵy aqshany alyp, oqıǵa ornynan boı tasalaıdy.
"Olardy ustaý kezіnde bіrіnіń, ıaǵnı 18 jastaǵy kúdіktіnіń qaltasynan tapansha jáne jınalmaly pyshaq, al 17 jastaǵy nemeresіnen urlanǵan aqsha tabylyp, tárkіlendі. Qazіrgі ýaqytta kúdіktіler Báıterek aýdandyq polıtsııa bólіmіnіń ýaqytsha ustaý ızolıatoryna qamaýǵa alyndy. QR QK-nіń 192-baby 3-bólіgі (Qaraqshylyq) boıynsha sotqa deıіngі tergeý amaldary bastaldy, - dedі.