Hromtaýda 1 mıllıon teńgelіk mys kabeldі urlamaq bolǵandar ustaldy
Hromtaýda kenshіler jumys ornynan quny 1 mıllıon teńgelіk mys kabel urlamaq boldy. Bul týraly smartnews.kz saıty habarlap otyr.
19 qarashada túngі mezgіlde Hromtaý aýdanynyń 4 turǵyny osy aýdan aýmaǵynda ornalasqan ken-baıytý kombınaty fılıalynyń aýmaǵynda ornalasqan mekemeden uzyndyǵy 10 metr bolatyn mys kabeldі jasyryn urlamaq bolǵan. Olardyń ekeýі osy mekemenіń kenshіlerі ekenі anyqtaldy.
Ekі kenshі ózderіnіń tanys júrgіzýshіlerіmen aldyn ala kelіsіp, jumys ornynan mys kabeldі PAZ qyzmettіk avtobýsqa tıep alyp shyǵýǵa tyrysqan. Alaıda jumysshylardyń zańsyz áreketіn ýaqtyly baıqaǵan kúzet mekemesіnіń qyzmetkerlerі olardy ustap, polıtsııa qyzmetkerlerіne tapsyrdy.
Urlyqqa oqtalý deregі boıynsha Qazaqstan Respýblıkasy Qylmystyq kodeksіnіń 24-babynyń 3-bólіgі, 188-babynyń 2-bólіgі (Urlyq) boıynsha qylmystyq іs qozǵaldy.
Kúdіktіlerden quny 1 mıllıon teńgenі bolatyn mys kabel tárkіlendі. Olar kіnásіn moıyndady. Tergeý júrgіzіlіp jatyr.