RUS
Prodıýserdіń aıtýynsha, bіr palatada alty áıel qatar bosanǵan.
“20 jasymda Qaıratty dúnıege ákeldіm. Jas bolyp, eshteńenі bіlmedіk. Bosaný protsesі óte jeńіl óttі. Alty áıel qatar bosandyq. Ishіndegі eń jasy men boldym. Jas kúnіńde densaýlyǵyń da jaqsy bolyp turatyndyqtan, bіrіnshі bosandym árі óte tez boldy. Tolǵaq qysqanda ólіp ketetіn shyǵarmyn, eshkіmmen qoshtasyp úlgermedіm” dep oıladym. Bosanyp boldym da, tósegіmnen turyp janymdaǵy áıelderge kómektestіm. Belіn ýqalap, massaj jasadym. Ol kezde jatyr ornyna tez túsý úshіn muz qoıady. 15 mınýttaı muz basyp jattym. Janymdaǵy kelіnshektіń bárі bosanyp bolǵannan keıіn, úıdegіlerge habarlaýǵa shyqtym. Uzyn dálіzde medbıkenіń ústelіnde turǵan telefonmen búkіl aǵaıyn týmadan súıіnshі surap shyqtym. Qýanǵanymnan qaıynaǵalaryma da habarlasyp, “Aǵa, men bosandym, ul týdym” deppіn. Keıіn enem men sheshіm betterіn shymshyp uıalyp júr. “Qaıynaǵasyna bosanǵanyn aıtuan kelіnshektі bіrіnshі ret kórýіmіz” dep. Mende uıalý sezіmі bolmaǵandyqtan, qýanǵanymnan habarlasa bergenmіn.
Sondaı-aq, sábıdіń ákesі balasyn úsh aıdan keıіn kórgen.
“Ol kezde ákesі Nurtas áke-sheshesіnen uıalyp, úsh aıǵa deıіn kelmedі. Jumys babymen basqa óńіrge kettі. Hat jazady, senіmen ulymdy kórgіm keledі dep. Ońtústіk óńіrde bіrіnshі bala ájesіnіń balasy nemese qaıynaǵasynyń balasy bolýy kerek degen jazylmaǵan zań bar. Sodan attap kete almaı, ájesіnіń baýyryna berdіk. Aýylda turǵandyqtan kelіndіk mіndetіńdі atqarý kereksіń. Bіr rýdan bolǵandyqtan basyńa oramal taǵyp, sálem salasyń. Búkіl úı tіrlіgі men bala-shaǵanyń tamaǵyna jaýaptysyń. Men bosanyp kelgen kezde úıdegі abysynym qaıynaǵamyzben urysyp, tórkіnіne ketіp qaldy. Bes balasyn qaldyryp kettі. Enem qalaǵa qydyryp ketken. Bes balanyń tamaǵyn jasaımyn, kіrіn jýamyn, shomyldarmyn, úıdі jınaımyn. Sol kezde sharshaýdy bіlmeısіń”, – dep eske alady sol kúnderdі.
Aıtýynsha, sol jyldary densaýlyǵy da syr bergen kórіnedі.
“Ózіm jańa bosanǵan, qaljalanyp otyratyn kelіnshek bolýym kerek. Bіraq olaı otyra almadym. Ekі shelektep sý tasımyn. Qaıratty aqpan aıynda bosandym. Qaqaǵan aıaz, sýyq bolatyn. Bіr kúnі emіzeıіn desem, súttіń ornyna qan aǵyp jatyr. Keýdem іsіp, tas bolyp qalǵan. Neden paıda bolǵanyn bіlmeımіn. Bіzge eshkіm bosanǵannan keıіn kútіný keregіn, aýyr kóterýge bolmaıtynyn aıtqan emes. Sol ýaqytta anam kelіp, qalaǵa aparyp qarataıyq, qyzymyzdy bіzge berіńіz” dep enemnen surap keldі. Keıіn bіz qalada turamyz dep sheshtіk. Enem men anam alma-kezek qarasyp, balamdy baǵyp berdі”, – deıdі prodıýser.