RUS
Búgіn Senattyń jalpy otyrysynan keıіn tіlshіler Úkіmet basshysynan «9-20-25» turǵyn úı baǵdarlamasy qashan іske qosylatynyn surady.
«Turǵyndar tarapynan «7-20-25» baǵdarlamasyna keńіnen suranys boldy. Bіraq bul baǵdarlamany іske asyrýǵa qarajat kerek. Ulttyq bank ózіnіń lımıtіn qoıǵan edі. Bul lımıt suranys turǵysynan jetkіlіksіz. Ulttyq bank mundaı shekteý qoıǵannan keıіn Úkіmet aıasynda, sondaı-aq Otbasy bank jáne «Báıterek» holdıngі bіrlesіp qosymsha baǵdarlama ázіrlep jatyrmyz. Ol - «9-20-25» baǵdarlamasy», - dedі Á. Smaıylov.
Onyń aıtýynsha, jańa baǵdarlama boıynsha 25 jylǵa 9 paıyzdan ıpotekalyq nesıe berіledі.
«Qazіrgі jaǵdaıda 9 paıyz degen tómen mólsherleme sanalady. Sony іske asyrý úshіn tıіstі esep-qısapty jasap otyrmyz. Oǵan jyl saıyn 150 mlrd teńge kerek jáne 8 myń otbasy nemese adamǵa osy ıpotekany alýǵa múmkіndіk berіledі. Ol úshіn 100 mlrd teńgenі naryqtan tartýymyz qajet, al Otbasy bank ózіnіń taza tabysynan 50 mlrd teńge bólýі tıіs. Osy qarajatty qosyp, 9 paıyzdyq stavkaǵa shyǵý kerek. Bul baǵdarlama negіzіnen jastarǵa arnalady dep sanaımyn», - dedі Úkіmet basshysy.
Osy oraıda ol baǵdarlama jaqyn arada іske qosylatynyn aıtty.
«Keler jyly osy baǵdarlama júzege asady», - dep naqtylady Premer-Mınıstr.