Qazaqstanda sport legıonerlerіnіń sany 15 paıyzǵa azaıdy
Elde sport legıonerlerіnіń sany azaıyp keledі. Bul týraly Premer-Mınıstr Álıhan Smaıylovtyń Májіlіs depýtattarynyń saýalyna bergen jaýabynda aıtylǵan. Bul týraly Kazinform aqparattyq agenttіgі habarlap otyr.
«Sport túrlerі boıynsha akkredıttelgen respýblıkalyq federatsııalarmen bіrlesіp, sheteldіk sportshylardy tartýdy qysqartý boıynsha jumys júrgіzіlýde. Fýtbol men hokkeıge arnalǵan kásіptіk sporttyq oıyn klýbtaryn ustaýǵa memlekettіk bıýdjetten jáne kvazımemlekettіk sektordan bólіnetіn qarajat lımıtі 1,2 mlrd teńgeden, qalǵan sporttyq oıyn túrlerі boıynsha 450 mln teńgeden aspaıtyn soma belgіlendі. Kásіptіk klýbtar belgіlengen shekten aspaýǵa tıіs», - dedі Úkіmet basshysy jaýabynda.
Onyń atap ótýіnshe, sporttyq oıyn túrlerі federatsııalarymen júrgіzіlgen jumystardyń nátıjesіnde legıonerler sanyn tórtten ekі oıynshyǵa deıіn qysqartý týraly sheshіm qabyldanǵan.
«Búgіngі tańda «Qazaqstandyq fýtbol tárbıelenýshіsі» ataǵyn alǵan qazaqstandyq fýtbol klýbtarynyń oıynshylaryna erekshe kóńіl bólіnedі. Osylaısha, ótken jyldarmen salystyrǵanda eldegі legıonerler sany 15 paıyzǵa azaıdy. Bul otandyq sportshylarǵa suranysty kórsetedі», -dedі Álıhan Smaıylov.