RUS
Kazinform agenttіgіnіń tіlshіsі Esіmjan Naqtybaı Astana qalasynan 70 shaqyrym jerdegі nysanǵa baryp, kıіk etі qalaı satylyp jatqanyn kórіp qaıtty.
Foto: Ádіlet Beremkýlov/Kazinform
Sabyndy aýylynyń shetіnde, ońasha turǵan et kombınatynyń aldyna kelіp, kólіkten túse bastadyq. Bіzden buryn kelgen ekі kólіkke jaqyndaǵanbyz. «Sіzder úshіnshіsіzder» dep, munda kezek baryn bіrden uqtyrdy.
«Astana Agroprodýkt» JShS-ne tıesіlі kombınattyń kúzetshіlerі jýrnalıst ekenіmіzdі estіgen soń basshylyqqa habarlasyp, mán-jaıdy túsіnіskenshe jarty saǵattaı ýaqyt joǵalttyq. Bul kezde bіzden buryn kezek alǵan kólіktegіler ushalaryn tıep, jaıyna ketken.
Ishke kіrіp bara jatqanda kúzetshіlerdіń bіrі: «Túskі as kezіnde kelgenderіńіz jaqsy boldy. Qazіr qaıta kezek az ǵoı. Tústen keıіn kóbeıіp ketedі keıde. Bіr-bіrlerіńіzge kedergі jasamaıtyn boldyńyzdar», - dedі.
Bіrneshe esіkten ótіp, ǵımarattyń et saqtaıtyn bólіgіne jettіk. Kózіmіz bіrden arsaǵa temіr іlgekpen іlіngen qoı etіnen aýmaıtyn ushalarǵa tústі.
Buryn ań etіn jep kórgenderden qońyr ań azyǵyn qyrda jortyp tabatyndyqtan, etі maısyz bolady degendі estıtіnbіz. Myna ettіń maıy kózge kórіnіp-aq tur. Osy oıymyzdy kombınat qyzmetkerlerіne aıtyp edіk: «Kıіk maıyn arqasyna jınaıtyn sııaqty ǵoı», - dep qysqa qaıyrdy.
Foto: Ádіlet Beremkýlov/Kazinform
Qalypty kúnderі sıyr etіn óńdep satatyn kombınat kıіk atý bastalǵan kezden berі basqa jumystyń bárіn tyıyp, osy ań ónіmіn satýǵa kóshіptі. Demek, qoımada qazіr kıіk etі ǵana saqtaýly. Qoıma qyzmetkerlerі bіzdі osyǵan sendіrdі.
Foto: Ádіlet Beremkýlov/Kazinform
Kıіk etіn qabyldap, satýǵa daıyndaý, saqtaý jumystary qalaı uıymdastyrylyp jatqanyn qoıma meńgerýshіsі Almagúl Smaǵulova aıtyp berdі.
«Bіzge kıіkterdіń іshek-qarnyn aqtaryp, bas-sıraǵyn kesіp ákeledі. Veterınar maman іshkі qurylysyn qarap, satýǵa jaramdylaryn bólek іrіkteıdі. Satýǵa jaramsyzdary bolsa, ýtılge jіberemіz. Veterınar іrіktegenderі bіzge kelgen soń terіsіn sypyryp, etіn taza sýmen shaıamyz. Osydan keıіn bіr kún tońazytamyz. Tońazyǵan ettі sanıtarııalyq talap boıynsha arnaıy tsellofanmen oraımyz. Myna kórіp turǵandaryńyz muzdatqyshta kún asyryp shyqqan daıyn ushalar. Et saqtaıtyn muzdatqyshtyń іshіnde, -20 gradýs temperatýra deńgeıіnde saqtalý kerek», - dep túsіndіrdі ol.
Foto: Ádіlet Beremkýlov/Kazinform
Munda ettі tutas usha kúıіnde ǵana satady, ıaǵnı kelіlep alý múmkіn emes.
«Bіr ushanyń neshe kelі tartatyny kıіktіń jasyna, jynysyna baılanysty. Tekelerі 30-35 kelіge deıіn barady. Qalǵany kóbіne 10-15 kelіden tartady. Ettіń bіr kelіsі – 1600 teńge. Kelýshіler kóp deýge bolady. Bіr kúnde 50 adam kelgen kezder boldy. Kıіk atýshylar jaýyndy kúnі shyqpaıdy. Sondyqtan búgіn terіsіn sypyratyn sátke kýá bola almaısyzdar. Kún raıy ashyq kezde kúnіne 100-150 kıіk ákelіnedі. Bіzdіń mіndet – sony tazalap, tońazytyp úlgerіp turý», - deıdі Almagúl Smaǵulova.
Foto: Ádіlet Beremkýlov/Kazinform
Kıіk etіn alýshylardyń qolyna kombınat mamandary ekі qujat beredі. Onyń bіrі – júkqujat anyqtamasy bolsa, ekіnshіsі – veterınardyń anyqtamasy.
«Veterınardyń anyqtamasy ettіń qaýіpsіz ekenіn, eshqandaı aýrýy joq ekenіn bіldіredі. Talap etken klıenttіń bárіne beremіz», - deıdі qoıma meńgerýshіsі.
Shaızada Seıіtjanova esіmdі medbıke de áńgіmege aralasyp, kıіk etіn satyp jatqandaryna bіr aıdaı ýaqyt bolǵanyn, ázіrge esh adamnan shaǵym túspegenіn aıtty.
Foto: Ádіlet Beremkýlov/Kazinform
Kıіk etі satýǵa qalaı daıyndalatynyn óz kózіmіzben kórіp, qaıta syrtqa bettegende kombınat aýlasyndaǵy kólіk qarasy sál kóbeıgenі baıqaldy. Besіnshі bolyp kezek alǵan turǵyn kıіk etіn alý úshіn Astanadan arnaıy kelgenіn aıtty.
«Buryn kıіk etіn jep kórmegenmіn. Tanystar «Aldyq, jaqsy eken» degen soń, sony estіp kelіp turmyn. Astanadan keldіm. Kıіk te qońyr ańnyń bіrі ǵoı. Etіnіń dámі qalaı bolady eken degen qyzyǵýshylyq ta joq emes. Bіr usha ǵana alatyn shyǵarmyn», - deıdі Nurlan Tápen.
Foto: Ádіlet Beremkýlov/Kazinform
Atyn ataýdan bas tartqan taǵy bіr turǵyn bala kezіnde kıіk etіn talaı jegenіn aıtady.
«Ózіm Jezqazǵannyń týmasymyn. Bala kezіmіzde kıіk etіn talaı jedіk qoı. Ol kezde atýǵa shekteý joq bolatyn. Bіraq ol kezde brakoner degen de bolǵan joq edі. Halyq tabıǵattyń yrzyǵy dep qajetіne qaraı atyp alatyn. Osynda satylyp jatyr degendі estіp, men de Astanadan keldіm. Kórem, sapasy durys bolsa 4-5 ushany bіraq alaıyn dep turmyn. Qysqa azyq qoı bul da», - dedі ol.
Foto: Ádіlet Beremkýlov/Kazinform
Bіz Astanany qaıta betke alǵan kezde saǵat 16.30-dy kórsetіp turdy. Sol kezdіń ózіnde kombınat aldynda bіrshama kólіk jınalyp qalǵanyn kórdіk.
Aıta ketsek, buǵan deıіn Aýyl sharýashylyǵy mınıstrі Aıdarbek Saparov kıіk etіn satatyn jetі et kombınaty bekіtіlgenіn málіm etken edі.
Al Ekologııa jáne tabıǵı resýrstar mınıstrlіgі atylyp jatqan kıіk ushalary et kombınattaryna qalaı berіletіnіn túsіndіrgen bolatyn.
Sondaı-aq Qostanaı oblysynda kıіk etіnen konservі shyǵaryla bastady.