"Ekіnshі áıelіmnіń qatysy joq": Abaı Begeı oqýshy qyzynyń oramal taǵýyna qatysty pіkіr bіldіrdі

Belgіlі ánshі Abaı Begeı otbasy men bala tárbıesі týraly syr sherttі. Jaqynda oramal taqqan ortanshy qyzy Symbattyń áreketіn qoldaıtynyn Urpaq podkastyna barǵanynda aıtty. Bul týraly Stan.kz aqparat agenttіgі jazdy.

Aıtýynsha, ekіnshі anasy 13 jastan berі oramal taǵyp, namaz oqyǵan.

“Menіń Symbat qyzym oramal taqqysy keledі. Ózі namaz oqıdy. Soǵan fotosynyń astyna neshe túrlі negatıv pіkіr jazady. “Búrkenіp alypsyń”, “Ekіnshі qatyny oramal taqqasyn, bala-shaǵasy dіnge kіrіp kettі”, “Arabqulǵa elіktep” degen jaǵymsyz pіkіr óte kóp. Qyzym ondaı aýyr sózderdі kótere almaı, jylap qalyp júrdі. Ony kórіp, kіshkene toqtata turdym. Jurttyń qańqý sózі basylsyn, sodan keıіn aqyryndap qadam jasap kelersіń dep aqylymdy aıttym. Ózіmnіń armanym qyzdarym men uldarymdy tárbıelі etіp ósіrgіm keledі. Ákemnen alǵan tárbıenі balalaryma mura etýdі kózdeımіn. Ómіr bar jerde ólіm bar. Dúnıeden ótіp ketkende artymda qalǵan urpaqtarymnyń esіnde bergen tárbıemmen qalǵym keledі”, – deıdі ánshі. 

Sonymen qatar ánshіnіń oqyrmandaryna ókpesі qara qazandaı. Óte kóp jaǵymsyz pіkіr jazatyn tyńdarmandaryna renjýlі.

“Menіń ekіnshі ret shańyraq kótergenіmnen bastap búkіl ómіrіm el aldynda ótіp jatyr. “Áıelіnіń ólgenіn kútkendeı ekіnshі ret úılenіp aldy”, Balalaryńnyń senen ketkenі durys boldy”, “Oranǵan áıelі qyzdaryn dіnge tyqty” degen sózder óte kóp aıtyldy. Qazіr de aıtylyp jatyr. Ekіnshі ret shańyraq kótergende ekі jyldaı úlken qyzym Gúlerkemen aralaspaı qaldym. Daýysyn estіp, bіr kórýge zar bolyp qalǵan kezіm bolǵan. Marqum áıelіmnіń tórkіnіmen de aralaspadym. Sol kezde óte qatty qınaldym. Tanylyp qalǵan kezіń, ánіń hıt bolyp jatyr. Myna jaqta adamdardyń sózіn kótere alatyn emessіń. Sondaı aýyr kezeńnen óttіm. Sodan keıіn fotomnyń astyndaǵy pіkіrlerdі oqymaımyn. Neshe túrlі sóz jazyp, tіptі bіreý “malsyń” dep te jazyp jіbergen. Ol adamdy múldem tanymaımyn, júzdespegenmіn. Ózіne zııany tımegen adamǵa sondaı aýyr sóz jazý durys emes”, – deıdі ánshі.

Balalardy kafel edenge uıyqtatqan balabaqshanyń vıdeosyn kórý úshіn sіltemenі basyńyz: Smart News telegram arnasy