RUS
Erejesіz jekpe-jekten álemnіń 3 dúrkіn chempıony Qýat Hamıtov ózіnіń Instagram-daǵy resmı paraqshasynda qazaqstandyq fýtbolshylarǵa úndeý joldady. Bul týraly kaz.nur.kz saıty jazdy.
"Jіgіtterge aıtarym bar. Men osy fýtbol taqyrybyn 2016/17 jyldan berі kóterіp kele jatyrmyn. Sol kezderden berі aralaryńnan bіr erdіń shyqpaǵany ma? Búkіl fýtbol qaýymdastyǵynan? Bárіń aýyldan shyǵarsyńdar, elde jaǵdaı nashar ekenіn kórіp júrsіńder ǵoı. Aýyldarda jol, medıtsına, aýrýhana, jedel járdem kólіgі joq, ne jumys joq. Jastar qandaı іspen aınalysaryn bіlmeıdі", – dedі Qýat Hamıtov.
Qýat Hamıtovtyń aıtýynsha, fýtbolshylar alyp otyrǵan jalaqylaryn aqtamaıdy jáne sporttaǵy jetіstіkterі de joq.
"Endі osy fýtbolshylardyń arasynan osy kúnge deıіn bіr adam "jіgіtter halyqtyń aqshasyn alǵandy toqtataıyq, 30 jylda fýtbolǵa 1,5 mıllıard aqsha kettі. Kórsetіp jatqan nátıje joq. Ne bіr jarys utpadyq. Álemdіk reıtıngte 99-100-orynda turmyz. Halyqty tonaǵandy toqtatyp, demeýshіnі ózіmіz taýyp, shamamyz kelgenshe ózіmіz nátıje kórseteıіk" deıtіn bіr jіgіt shyǵa ma dep kútіp edіm!", – dep pіkіrіn aıtty sportshy.