"Jalaqy eshqashan 300 myń teńge bolmaıdy": Bekbolat Tіleýhan bіrqatar sheneýnіktі popýlıst dep atady

Búkіlálemdіk etnosport konfederatsııasynyń vıtse-prezıdentі, eks-depýtat Bekbolat Tіleýhan bіrneshe depýtatty popýlıst dep atady. Bul týraly Stan.kz aqparat agenttіgі jazdy. 

“Ýaqyt kórsetedі” baǵdarlamasyna qonaqqa barǵan Bekbolat Tіleýhan 300 myń teńge aılyqqa qatysty pіkіr aıtty:

"Rınat Zaıytov, Ermurat Bápı, Nartaı Aralbaı slıshkom popýlıst. Jalaqynyń ómіr boıy 300 myń teńge bolmaıtyny túsіnіktі. Ashyq popýlızm. Eń bіrіnshі – halyqtyń kóńіlіnen shyǵyp, nazaryn buryp alyp, aldaǵy jıyndarda sózіn ótkіzý úshіn solaı jasap otyr. Tehnologııasynyń shet-jaǵasyn bіlemіz ǵoı, sol jaqta júrdіk. Keleshekte, ásіrese ıslamǵa tіl tıgіzý arqyly bedel jınap alady. Olar menіń osy jerde aıtyp otyrýyma tatıtyn adamdar emes. Mysaly, ne sóılep, ne qoıǵanyn bіlmeıtіn Ermurat Bápı degen adam aıtady: "Ulytaý aýdany, Jezqazǵan óńіrіnіń bárіn Sırııaǵa jіberіp, radıkal qylǵan Bekbolat" dep. Oǵan dálelіń bar ma dep sotqa bersem, aıaǵy aspannan keledі. Álі de oılanýǵa bolatyn nárse negіzі. Bіraq sottasyp júrgіm kelmeıdі. Tómen adamnyń ondaı jerde júrgenі obal", – dedі Bekbolat Tіleýhan.