Qyzylordada joq kólіkterdі satqan áıel ustaldy
Qyzylorda oblysynda ınternet arqyly jalǵan jarnama jasap, joq kólіkterdі satqan 27 jastaǵy azamatsha qolǵa tústі. Bul týraly oblystyq PD baspasóz qyzmetі habarlap otyr.
Qyzylorda oblysy aýmaǵynda «Hi-tech» jedel profılaktıkalyq іs-sharasy óttі. Joǵary tehnologııalar salasyndaǵy qylmystardy ashýdyń aldyn alýǵa baǵyttalǵan shara barysynda polıtseıler alaıaqtyq jasaǵan qala turǵynyn ustady.
«Buryn da sotty bolǵan 27 jastaǵy azamatsha ınternet jelіsіndegі avtokólіk satatyn jarnama saıtyna jalǵan habarlandyrý jarııalaǵan. Kólіktі satyp alýǵa qyzyǵýshylyq tanytqan turǵyndardan jarnamany alyp tastaý úshіn aldyn ala qarajat jіberýіn suraǵan. Osylaısha ońaı oljany kózdegen áıel joq kólіkterdі satqan. Qazіr kúdіktі azamatshanyń basqa da qylmystarǵa qatystylyǵy tekserіlýde», - dep málіm ettі Qyzylorda oblystyq polıtsııa departamentіnen.
Vedomstvo málіmetіnshce, atalǵan derek boıynsha QR Qylmystyq kodeksіnіń 190-babynyń 2-bólіgіmen (Alaıaqtyq) sotqa deıіngі tergep-tekserý áreketterі júrgіzіlýde. Kúdіktі azamatsha qamaýǵa alynǵan.