RUS
SmartNews saıtynyń habarlaýynsha, tergeý organdarymen T. asa іrі mólsherde aqsha tarta otyryp, qarjylyq pıramıdany quryp jáne oǵan basshylyq jasaǵany úshіn aıyptaldy (QK-tіń 217-babynyń 3-bólіgіnіń 2-tarmaǵy).
Atyraý oblystyq sotynyń habarlaýynsha, sottalýshy T. Reseı Federatsııasynyń azamaty D.-nyń «Thefiniko» kompanııasyn qurǵanyn bіlіp, adamdar tobymen aldyn ala sóz baılasyp, oǵan qosylýǵa jáne kompanııa atynan áreket jasaýǵa sheshіm qabyldaǵan.
T. Qazaqstan Respýblıkasy aýmaǵynda «Thefiniko» kompanııasynyń turaqty tabys alatynyna, ıaǵnı halyqpen jumys іsteý tájіrıbesі bar ekenіne kóz jetkіzіp, kompanııanyń qurylymdyq bólіmshesіn basqarýǵa sheshіm qabyldaǵan.
Ol kompanııaǵa 19 jábіrlenýshіnі tartyp, jalpy keltіrіlgen zalal somasy 108 mln teńgeden astam somany quraǵan, onyń іshіnde ol tergeý satysynda 93 mln teńge zalaldyń ornyn toltyrǵan (ótelmegen zalal somasy – shamamen 15 mln teńge).
Sottalýshynyń kіnásі jábіrlenýshіlerdіń, kýálardyń aıǵaqtarymen, ekonomıkalyq saraptama qorytyndysymen, maman qorytyndysymen, foto jáne beınematerıaldarmen tolyqtaı óz dálelіn tapty.
Prokýror sottalýshyǵa 6 jyl merzіmge bas bostandyǵynan aıyrý jazasyn taǵaıyndaýdy surady.
"Sot úkіmіmen T. kіnálі dep tanylyp, oǵan qarjylyq, kommertsııalyq jáne kommertsııalyq emes uıymdarda basshylyq laýazymdardy atqarý quqyǵynan 7 jyl merzіmge aıyra otyryp, 5 jyl merzіmge bas bostandyǵynan aıyrý jazasy taǵaıyndaldy.
Onyń zeınetkerlіk jasyn jáne keltіrіlgen zalaldyń іshіnara ótelgenіn eskerіp, sot QK-tіń 63-babyn qoldanyp, jazany shartty túrde taǵaıyndady.
Sot úkіmі zańdy kúshіne engen joq", - delіngen sottyń habarlamasynda.