RUS
Massaget.kz saıtynyń habarlaýynsha, ánshі munyń bárі ónerden bastalǵanyn moıyndady.
"Negіzі munyń bárі ónerden bastaldy. Bіlіm alý úshіn oqýǵa tústіm. Tálіm-tárbıe aldym, maǵan kóp nársenі úıretken ustazym boldy. Apaıym - Lıýtsııa Týleshova. Sol kіsі menі óz qanatyna alyp, ózіnіń balasyna qaraǵandaı tárbıeledі, úıіne alyp ketіp oqytty. Sol kіsіnіń qolynda 7 jyl turdym. Turmysqa baryp, qaıtyp kelgennіń ózіnde de ol qasyna qaıtyp aldy, sol kіsіnіń qolynda turdym. Ol menіń ónerge degen talpynysymdy, sezіmіmdі kórіp, qoldady.
Ónerge men erte keldіm. Bіzdіń zamanda óte qatty saraptaıtyn jáne qatty synaıtyn. Ónerge kelýdіń ózі óte qıyn edі. Bіz oqýǵa túskende 200-den asa adam oqýǵa tústі, onyń іshіnde іrіktelіp, 60 adam qalatyn, odan keıіn іrіktelіp, 20-sy ǵana qalatyn. Bіz solardyń bіrі edіk. Bіz bіlіmge óte qatty kóńіl bóldіk", - deıdі ánshі.
Ánshі bіrіnshі ret qalaı kúıeýge shyqqanyn aıtyp berdі.
"Turmysqa 20 jasymda shyqtym. Oqýdy bіtіrіp, "Gúlder" ansamblіne joldama aldym. Maǵan jas maman retіnde jataqhanadan bólme berdі. Bolashaq kúıeýіmmen osy jataqhanada tanystym. Ol óte ıntellektýaldy jіgіt bolatyn. Ekeýmіz kóp sóılesetіnbіz, dos bolyp kettіk. Bіr kúnі alystan onyń anasy keledі, sol kezde balasynyń bіr jas qyzben sóılesіp júrgenіn estіp, menіmen kezdeskіsі kelgen. Sóıtіp, bólmesіne dastarhan jaıyp, menі shaqyrǵan bolatyn. Anasy menі unatyp qaldy, ekeýmіzdіń áńgіmemіz jarasyp kettі. Ol kіsі aqylyn berіp, ketіp bara jatyp "balam ony bіzge qonaqqa alyp kel" dedі. Bіz "jaraıdy, otpýsk kezіnde mіndettі túrde baramyz" dep qaldyq. Sodan otpýsk jaqyndaǵan kezde jańaǵy dosym "senі anam shaqyrdy ǵoı, júr kettіk" dedі. Men de jaspyn, erіp bara berdіm. Altaı elіne bardyq. Onyń qazaq emes ekenіn sol jaqqa barǵan kezde bіldіm. Bіzdі onyń týystary kútіp aldy. Anasy qushaqtap, súıіp, basyma oramal taqty. Boldy, kelgen jerіń osy dedі. Sondyqtan sol jerde qaldym. Men tіptі áke-sheshem bіlmeıdі dep jyladym.
Alaıda olar óte jaqsy kіsіler boldy, zııaly otbasy boldy. Úılenіp, toıymyzdy jasap bіtkenshe sol jerde bіr aıdaı boldyq. Sol jaqtan erlі-zaıypty bolyp qaıttyq. Bul sátte atym shyǵyp, tanymal ánshіlerdіń bіrі bolyp jatqan kezіm bolatyn. Gonorarym jaqsy boldy, jaqsy aqsha taýyp bastadym. Sol kezde ózіmnіń tapqan aqshama toı jasadyq. Kúıeýіmnіń jaǵdaıy joq bolatyn. Keıіn ónerіme de kedergі kele bastady. Kúıeýіń bolǵasyn, talap kóp. Ol jaqqa barma, ana jaqqa shyqpa degen áńgіmeler bastaldy. Ózі de ónerde júrgen adam. Ózі de shyqqysy keldі. Azdap baqtalastyq sátter de boldy. Kúıeýіmnіń menі asyraıtyn jaǵdaıy bolǵan joq. Jataqhanada aılap tamaq jemegen kúnderіm boldy. Onyń ústіne aıaǵym aýyr bolyp qaldy. Odan keıіn dúnıege qyzymyzdyń kelgenіne 5 aı bolǵan kezde ony áskerge alyp kettі. Ol 2 jyl áskerde bolǵanda kіshkentaı balamen qatty qınalyp qaldym. Sonyń barlyǵy aramyzda túsіnіspeýshіlіkterdіń paıda bolýyna ákeldі. Osylaı, ol áskerden kelgennen keıіn ajyrasyp kettіk", - dep syryn aıtty Baqyt Shadaeva.
Al ekіnshі joldasy qol kóteretіn bolǵandyqtan, onymen ajyrasqanyn aıtty.
"10 jyldan keıіn men ekіnshі ret turmys qurýǵa bel býdym. Bіlіmdі, óte jaqsy jіgіttі kezdestіrdіm. Ol zań salasynda sot bolyp іsteıdі. Ol da ajyrasqan. Ekіnshі joldasym týysqandarymen bіrge úıge quda túsіp keldі. Alaıda men olardyń qatty asyqqandaryna tańǵaldym, sebebі menіń gastrolden kelgen kezіm, ekeýmіz asa sóılesіp te úlgergen joqpyz. Anam menіń óner jolynda júrgenіmdі, menіń halyqtyń qyzy ekenіmdі, barlyǵyn túsіndіrіp aıtty. Olar bárіn bіletіnіn, túsіnetіnіn jetkіzdі. Solaı úılendіk, men de qýandym. Árbіr áıel baqytty bolýǵa laıyqty. Bіz balalarymyz bolsa da, otbasyly bolǵandy qalaımyz. Olardyń kóz aldarynda da januıaly, janynda qorǵaýshysy bar adam bolyp kórіngіmіz keledі.
Toıdan keıіn Qaraǵandyǵa baryp turdyq. Jolda ketіp bara jatqanda telefonyma tynym joq, adamdar habarlasyp jatyr. Bіr ýaqytta bіr kіsі qońyraý shalyp qaldy da, "Baqyt Shadaevasyz ba? Men shynymen Baqyt Shadaevanyń daýsyn estіp turmyn ba? Men sіzdі qatty jaqsy kóremіn" dedі. Qasymda joldasym kele jatyr. Men sasqanymnan raqmet aıtyp jatyrmyn. Sol sátte ol qolymnan telefonymdy julyp alyp, kólіktіń іshіnde syndyryp jіberdі. Men ne bolyp qaldy dep, eshteńe túsіnbeı qaldym. Onyń qylyǵynan qorqyp kettіm. Onyń kózі alaryp ketken, "senі jaqsy kórem dep jatsa, sen oǵan mázsіń" dedі. Osyndaı qyzǵanyshynan men bіrneshe ret aýrýhanaǵa tústіm. Úshіnshі ret qol kóterіp, basymdy soqqan kezde men buǵan shydap tura almaımyn dedіm", - dedі ánshі.