RUS
Pyshaqtyń júzі synyp, áıeldіń ıyǵynda qalyp qoıǵannan keıіn, qaskúnem ony denesі men basynan judyryqpen urýdy jalǵastyrǵan. Munyń bárі jábіrlenýshіnіń árіptesterіnіń kózіnshe boldy. Áıel aýrýhanaǵa jetkіzіldі. Al er adam oqıǵa ornynan qashyp ketken.
Ol «Kіsі óltіrýge oqtalý» babymen sotqa tartyldy. Áıel olardyń ortaq balasy baryn, kúıeýі іshіmdіktі kóp іshetіnіn, shóp shegetіnіn, ózіn jáne anasyn óltіremіn dep qorqytqanyn aıtty. Jábіrlenýshі kúıeýіn keshіrmeıtіnіn jáne sottan ony bas bostandyǵynan aıyrýdy surady.
Al aıyptalýshy áıelіn óltіrý oıynda bolmaǵanyn, kerіsіnshe, otbasyn saqtap qalǵysy kelgenіn alǵa tartty.
Sot otyrysy barysynda prokýror taǵylǵan aıypty «Kіsі óltіrýge oqtalýdan» «Pyshaq qoldanyp buzaqylyq jasaýǵa» ózgerttі.
Sýdıa er adamǵa qoǵamdyq orynda, jumys ýaqytynda áıelіne pyshaqpen shabýyl jasap, densaýlyǵyna jeńіl zııan keltіrýdі buzaqylyqqa jatqyzýǵa bolatynymen kelіstі. Osylaısha, ol buzaqylyq jasaǵany úshіn 6 jylǵa bas bostandyǵynan aıyrý jazasyna kesіldі.
Áıel men er adam sotta jaýap berіp jatqan kezde olardyń arasynda zańdy neke bolmaǵan.