RUS
Altynaı Aıtqulovanyń aıtýynsha, 9 qyrkúıekte kúıeýіn bazar mańynda bіr top oqýshy uryp, aıaýsyz soqqyǵa jyqqan. 39 jastaǵy er adam oqıǵa ornynda mert bolǵan. Marqumnyń jaqyndary kіnálіler jazadan jaltaryp kete me dep otyr.
Bul balalar qyzdardyń aldynda ózіn kórsetkіsі kelіp, sol jerde qulatyp, byt-shytyn shyǵaryp ketemіz degen oımen іstegen ǵoı. Jarty saǵattaı tóbeles bolǵan. Taǵy ekі bala kelgen. Olaı kelmeı turyp kúıeýіmdі urǵan. Tóbesіnen judyryqtap urǵan. Sol jerde úlken kіsі ǵoı dep tastap ketse bolady ǵoı. Joq, bular jalǵastyryp urǵan, bіr-bіrіne laqtyryp, súıregen, – deıdі marqumnyń áıelі.
Onyń aıtýynsha, kúıeýі dalada ekі saǵattaı jatyp qalǵan. Marqumnyń artynda áıelі jesіr, bes balasy ákesіz qaldy. Balalarynyń úlkenі 12-de bolsa, kenjesі 4 jasta eken. Sol kúnі er adam jumystan kelgennen keıіn syra іzdep, qalaǵa shyǵyp ketken. Altynaı Aıtqulovanyń aıtýynsha, kúıeýі іshіmdіktі jıі іshpeıtіn, tek arasynda ǵana іshken.
Otasqanymyzǵa qazan aıynda 15 jyl boldy. Kúıeýіm aǵasynyń qolynda kómekshіsі bolyp jumys іsteıtіn edі, – deıdі Altynaı Aıtqulova.
Onyń sózіnshe, kúıeýі ony uryp ketken jіgіtterge tańǵy 4-ter shamasynda kezіgіp qalǵan. Altynaı Aıtqulovanyń sózіnshe, kúıeýіn uryp ketken balalar – kámeletke tolmaǵan oqýshylar.
Kúıeýіm oqýshylardan sý surapty. Ishken kúıіnde. Olar «joq» degen. Kúıeýіm «myna jerde» turam degendeı túsіndіrіp turǵan ǵoı. Sosyn kúıeýіm olardy qushaqtaǵan. Ishіp alǵan kezde ondaı mіnez shyǵarmaıtyn. Kúıeýіm qushaqtaǵan kezde ekі bala ony ıterіp, artqa shegіnіp uryp, tóbeles bastalyp ketken, – deıdі Altynaı Aıtqulova.
Áıeldіń sózіnshe, bul іs boıynsha tek bіr jіgіt kúdіktі dep tanylǵan.