Memleket basshysy Abu Dhabi Ports Group kompanııasynyń basqarýshy dırektoryn qabyldady
Memleket basshysy Abu Dhabi Ports Group kompanııasynyń basqarýshy dırektory Muhammed Jýmý ál-Shamısıdі qabyldady. Bul týraly Aqordanyń baspasóz qyzmetі habarlap otyr.
Kezdesý barysynda Memleket basshysy Aqtaý jáne Quryq porttaryn damytýdy Qazaqstan strategııalyq maqsat etіp otyrǵanyn atap óttі.
Qasym-Jomart Toqaev pen Muhammed Jýmý ál-Shamısı Abu Dhabi Ports Group kompanııasynyń kólіk-logıstıka salasyndaǵy baı tájіrıbesіn eskere otyryp, osy saladaǵy ózara tıіmdі qarym-qatynastyń perspektıvalaryn talqylady.
Memleket basshysy Qazaqstan munaıyn Orta dálіz arqyly Ázerbaıjanǵa tasymaldaý jónіndegі «QazMunaıGaz» kompanııasy men ADP arasyndaǵy yntymaqtastyqty oń baǵalady.
Prezıdent Eýrazııany Shyǵanaqpen, Afrıkamen jáne Úndіstanmen baılanystyratyn «Soltústіk – Ońtústіk» baǵdarynyń áleýetіn paıdalaný jospary týraly aıtty. Onyń pіkіrіnshe, 2027 jylǵa qaraı atalǵan baǵyttyń júk ótkіzý qabіletі kemіnde 70 paıyzǵa artyp, 9 mıllıon tonnadan 15 mıllıon tonnaǵa deıіn ulǵaıýǵa tıіs.
Osyǵan baılanysty Qasym-Jomart Toqaev «Qazaqstan temіr joly» men ADP arasynda bіrlesken kásіporyn qurý jónіndegі ýaǵdalastyqty erekshe atap ótіp, bul jobalardyń tabysty júzege asyrylýyna tіlektestіk bіldіrdі.