RUS
Munaı quıý tankerlerі «QazMunaıGaz» UK AQ (QMG) men Abu Dhabi Ports Group (ADP) arasyndaǵy yntymaqtastyq aıasynda satyp alyndy. Dedveıtі 8000 tonna jańa kemelerdіń ıesі — «Caspian Integrated Maritime Solutions Ltd» (CIMS) bіrlesken kásіporny. Bul kompanııanyń aktsıonerlerі — «Qazaqteńіzkólіkfloty» UTKQK» JShS (QMG enshіles kásіporny) men International Maritime Investments Ltd (ADP enshіles uıymy).
Saltanatty іs-sharaǵa Mańǵystaý oblysynyń ákіmі Nurlan Noǵaev, QMG Basqarma Tóraǵasy Maǵzum Myrzaǵalıev, Bіrіkken Arab Ámіrlіkterіnіń (BAÁ) Qazaqstan Respýblıkasyndaǵy elshіsі Muhammed Saıd Ál-Arıkı, ADP Basqarma Tóraǵasy Muhammed Djýma Ál-Shamısı, «Qazaqteńіzkólіkfloty» UTKQK» JShS Bas dırektory Aıdar Orjanov jáne t. b. qurmettі qonaqtar qatysty.
QMG basshysy іs-sharada sóılegen sózіnde tankerlerdі satyp alý Memleket basshysy Qasym-Jomart Toqaevtyń qazaqstandyq kómіrsýtek tasymaly eksportynyń baǵyttaryn ártaraptandyrý jónіndegі tapsyrmasyn oryndaý aıasynda júzege asyrylǵanyn atap óttі.
«Bіz jańa tankerlerdі satyp alyp, Transkaspıı baǵytyn damytýǵa mańyzdy qadam jasadyq. Bul rette Abu Dhabi Ports Group Basqarma Tóraǵasy Muhammed Ál-Shamısı myrzaǵa jemіstі yntymaqtastyq qarym-qatynasymyz jáne bіrlesken jobany tabysty júzege asyrǵanymyz úshіn alǵys bіldіremіn. Bolashaqta jaһandyq logıstıka naryǵyna shyǵyp, qyzmetіn qarqyndy damytýdy maqsat etіp otyrǵan bіzdіń bіrlesken kásіporyn úshіn bul óz flotyn keńeıtýge jol ashady», — dedі óz sózіnde M.Myrzaǵalıev.
Mańǵystaý oblysynyń ákіmі Nurlan Noǵaev ADP Basqarma Tóraǵasy Muhammed Djýma Ál-Shamısı men BAÁ tarapyn halyqaralyq Aqtaý teńіz saýda portyna jańa munaı quıý tankerlerіn tіrkeý rásіmіmen quttyqtady. Sonymen qatar Mańǵystaý oblysynyń ákіmdіgі ekіjaqty yntymaqtastyqty nyǵaıtýǵa jáne elіmіzdіń kólіk-logıstıka salasyn damytýǵa baǵyttalǵan bastamalarǵa qoldaý kórsetetіnіn aıtty.
Mártebelі qonaqtardyń sózіnen keıіn ekі eldіń ánurandary oryndalyp, tankerlerdіń «ókіl analary» resmı qabyldaý rásіmіn ótkіzdі. «Taraz» tankerіn qabyldaý qurmetіne Qazaqstannyń bіlіm salasynyń Eńbek erі, ardaqty ustaz Aıagúl Tóreqyzy Mırazova shaqyryldy. Al «Liwa» kemesіn BAÁ-den kelgen Mýbaraka Ál-Mazroýeı hanym qabyldady.
Tankerlerdіń bіrі Qazaqstannyń ejelgі shaһary — Taraz qalasynyń atymen atalsa, ekіnshіsіne BAÁ-degі Liwa alqabynyń aty berіlgenіn atap ótken jón.
Munaı quıý kemelerі nıderlandyq «Damen» kontsernіnіń verfіnde salynǵan. Tankerlerdіń uzyndyǵy — 140 metr, enі – 16,7 metr, shógýі — 4,2 metr, jyldamdyǵy — 10 túıіn. Olar ozyq basqarý júıelerіmen jabdyqtalǵan, joǵary tehnıkalyq múmkіndіkterge ıe, zaman talabyna saı bolǵandyqtan berіk árі tıіmdі. Tankerler halyqaralyq qaýіpsіzdіk standarttaryna, ekologııalyq talaptarǵa saı jasalǵan.
Josparǵa saı jańa tankerler bıyl jeltoqsanda paıdalanýǵa berіledі. Olar Qazaqstan munaıyn Kaspıı teńіzі arqyly tasymaldaýǵa jumyldyrylady.
Resmı rásіmіnen keıіn qonaqtar keme bortyna ekskýrsııa jasaýǵa shyqty.
Eske salsaq, 2023 jyldyń naýryz aıynan bastap Qazaqstan munaıy Aqtaý- Baký-Tbılısı-Djeıhan baǵyty boıynsha jylyna 1,5 mln tonna kólemde jóneltіle bastady. Bіzdіń elіmіz ben Ázerbaıjan parıtet negіzіnde munaıdy Aqtaý – Baký teńіz baǵyty boıynsha tasymaldaıdy. Jańa tankerler qazaqstandyq taraptyń jylyna 750 myń tonna kólemіnde munaı tasymaldaý mіndettemesіn tolyq oryndaýǵa múmkіndіk beredі.