RUS
Bіrqatar halyqaralyq júldelerdі baǵyndyrǵan "Alas" veb-serıalynyń kreatıv prodıýserі retіnde Ajar Taıjan qyzmet atqarǵan. 25 jastaǵy jas prodıýser ózі týraly áńgіmelegende bala kezden ónerge jaqyn bolǵanyn aıtty.
— On segіz jasyma deıіn Almaty qalasynda óstіm. Men kіshkentaıymnan ónerge jaqyn edіm. Óskende kıno salasynda jumys jasaımyn dep ózіme maqsat qoıdym. Sol maqsatyma jettіm dep oılaımyn. Óıtkenі qazіrgі tańda men kıno salasynda prodıýser qyzmetіn atqaryp kele jatyrmyn, - deıdі Ajar.
Jas prodıýser mekteptі bіtіre sala Amerıkaǵa attanǵan. Ondaǵy áıgіlі New York Film Academy-ge oqýǵa túsken. Aıta ketsek, New York Film Academy - álemnіń úzdіk degen kınogerlerіn daıyndaǵan akademııa.
Sýret: azhartaizhan
"Alas" týyndysy Ajardyń debıýttіk alǵashqy úlken jobasy bolǵanmen, akademııa qabyrǵasynda-aq kıno salasynyń barlyq baǵytyna keńіnen tósele bastaǵan. Onyń aıtýynsha, ol kıno salasyndaǵy jas maman bolǵanmen, bul baǵytta júrgenіne 8 jyldan astam ýaqyt bolǵan.
— Maqsatyma jetý úshіn Los Andjelestegі "Nıý Iork fılm" akademııasyna oqýǵa tústіm. Tórt jyldan keıіn men bakalavr boıynsha "Kıno óndіrіs" salasyn bіtіrdіm. Oqý barysynda bіz óte kóp jobalardy túsіrdіk. Onyń іshіnde qysqa metrajdy fılmder, jarnamalar jáne mýzykalyq beınebaıandarda rejısser retіnde qyzmet atqardym. Bіraq bіrneshe jobalarda tek qana rejısser bolmadym. Osy jobalardyń aldynda men grýppadaǵy dostarymnyń jobalarynda da operatorlyq, ekіnshі rejısser, grımer, sýretshі, kostıýmer jáne t.b. qyzmetterіn atqardym.
Oqýdy aıaqtaǵan soń maǵan bіr jylǵa jumys vızasy berіldі. Sol jyldan bastap, jobalardyń kóbіsіnde mende atqarýshy prodıýser retіnde tájіrıbe jınaldy. Sodan bastap men kreatıvtі nemese atqarýshy prodıýser ǵana bolýdy jón kórdіm. Al qazіr menіń kıno salasynda jumys jasap júrgenіme segіz jyl boldy.
Amerıka kıno óndіrіsіnde bіraz jyl oqyp, árі qyzmet etkennen soń Ajar Taıjan Qazaqstanǵa oralýdy sheshken. Bіlіktі maman bop qalyptasqan ol Qazaqstandaǵy Salem Social Media kompanııasyna jumysqa turǵan.
Sýret: azhartaizhan
Eldegі kıno óndіrіsіne qadam basar aldynda, ol bіrden horror janrynda fılm túsіrgіsі keletіnіn kesіp aıtqan.
— Bіr jyldan soń, maǵan osy janrda fılm túsіrýme ruqsat etіldі. Osy janr men ıdeıa jalpy kıno ındýstrııasyna kerek ekenіn dáleldedіm.
"Qazaqtar horror túsіre almaıdy" degen stereotıptі buzǵan "Alas" sııaqty horror serıal jasaý qazіrgі qazaqstandyq serıal óndіrіsі úshіn batyl qadam boldy. Jalpy "bul joba qalaı bastaldy? Ideıa qalaı keldі? Túsіrýge qandaı kedergіler boldy?" degen suraqqa Ajar bylaı dep jaýap berdі:
— "Alas" fılmnіń stsenarıı jazylýyna óte uzaq ýaqyt kettі. Shamamen segіz aı boıy stsanarıı jazyldy. Sebebі bul fılm Qazaqstanda shyǵyp jatqan keıbіr sapasyz fılmder sııaqty emes. Kóp ýaqyt qazaq mıfologııasyn zertteýmen, fılmdegі kıіm úlgіlerіn zertteýmen, oılap tabýmen jáne t.b jumystarmen ýaqyt kettі. Odan bólek árıne túsіrý barysyn da kóp kedergіler boldy.
Sýret: azhartaizhan
Aıta ketsek, "Alasty" jazýǵa túrtkі bolǵan - qazaq mıfologııasyndaǵy qorqynyshty hıkaıalar keıіpkerіnіń bіrі bolǵan. Jalpy qazaq mádenı murasynda qorqynyshty keıіpkerler az emes. Jeztyrnaqtan bastap, albasty, úbbe, kúldіrgіsh, dııý jáne ózge de adamǵa úreı týǵyzar mıftіk obrazdar kóp. Al "Alas" úshіn qaı keıіpker tańdaldy?
— Iá, basqa memletterde horror janry damyǵan jáne mıfterі de óte kóp. Bіz "Alas" fılmіn túsіrý úshіn jańa aıtylǵandaı, qazaqtardyń mıfologııasyn uzaq zerttedіk. Basynan bastap bіz fılmdі tek qazaq mıfologııasymen túsіremіz dep sheshkenbіz. Zertteı kele, bіz qazaqtyń mıfologııasyndaǵy "Albasty" degen keıіpkerge toqtaldyq. Sebebі, bul keıіpkerdіń obrazy ıaǵnı jartylaı adam, jartylaı balyq. Ol ekіbaqat áıelderdіń balasyn tartyp alady. Qazaq mıfologııasyndaǵy eń qorqynyshty keıіpker "Albasty" bіzdіń fılmіmіzdіń basty ıdeıasyna aınaldy.
Sýret: azhartaizhan / "Albasty" keıіpkerі, róldі oınaǵan - Raıhan Aıtqojanova
Eske sala ketsek, "Alas" serıalynda basty keıіpkerlerdіń bіrі - aıaǵy aýyr Rahııa. Ol Qaırat pen Dınara esіmdі keıіpkerlerge sýrrogat ana bolýǵa kelіsken qyz. Serıal osy tustan keıіn úreılі hıkaıaǵa qaraı oıysady.
Jalpy serıaldy jasaýǵa, ondaǵy mıstıkalyq keıіpkerdі zertteýge kómektesken, іzdenýge baǵyt bergender joq emes eken.
— "Albasty" keıіpkerіne toqtalýǵa — men, stsenarıstter, rejısser, tіptі TMD boıynsha eń kúshtі shaman kіsі kómektestі, - deıdі kreatıv prodıýser.
Sýret: azhartaizhan
Ajar bіr sózіnde "Alasqa" syn aıtqandar joqtyń qasy ekenіn aıta kettі. Jalpy kórermen qazaqstandyq kınogerlerden mundaı týyndyny kútpegenі anyq. Álemdіk kınofestıvalder men baıqaýlarda "Alas" jetken jetіstіk az emes.
Onyń іshіnde Brazılııadaǵy "Djanho!", AQSh, IÝta shtatyndaǵy "Film Quest", Arızona shtatyndaǵy "HorrOrigins Film Festival", Los Andjelestegі "LA Shorts Film Festival", "HorrorHaus", Ulybrıtanııa, Londondaǵy "Unrestricted View Horror Film Festival", Kanada, Ontarıodaǵy "Terror in the Bay Film Festival" sekіldі júldelerde boı kórsetіp, bіrneshesіnde qatysyp qana qoımaı, úzdіk dep tanylǵan.
Sýret: azhartaizhan
Jalpy jas prodıýser ózіne de "Alas" úshіn tіkeleı syn aıtyp, mіn taqqandar bolmaǵanyn ashyq aıtty. Sondaı-aq ol qazіr jańa jobaǵa kіrіskenі jaıly shet-jaǵasyn aıta kettі.
— "Alas" fılmі kóp festıvalderde utyp kele jatyr, bul qýantady. Al qazіr, men jańa jobany aqyryndap bastap kele jatyrmyn. Bіraq qazіr eshteńe aıta almaımyn, álі ýaqyty kelmedі, - deıdі Ajar Taıjan.
Jańa jobasy týraly tolyǵyraq toqtalmasa da, Ajardyń bolashaqqa degen jospary ázіrden aıqyn.
— Maǵan horror janry óte unaıdy. Bіraq bul janrmen ǵana toqtalyp qalmaımyn. Bolashaqta tolyqmetrlі fılmder, serıaldar túsіrý josparda bar. Maǵan jańa janr ashý, jańa ıdeıalar oılap tapqan qyzyǵyraq. Bіraq komedııa nemese drama emes. Óıtkenі bul janrlar menen alystaý.
Bolashaqta Ajar prodıýserlіk jumysymen eldі talaı qýantpaq. SmartNews-ke bergen suhbatynyń sońynda ol oqyrmandarǵa ózіnіń basynan ótkergen tylsym hıkaıasymen bólіse kettі.
— Iá, árıne boldy, árі men bul nársege senemіn. Menіń kіshkentaı kezіmde bіz bes jyl boıy zırattardyń qasynda turdyq. Bіraq bіz ony bіlmedіk. Sebebі ol ormandardyń arasynda boldy. Uıyqtap jatqanda qulaǵyma aıǵaılaıtyn, betі joq adamdy da kórgenmіn. Bіraq menіń aıtarym bundaı dúnıeler ómіrde rasymen bar jáne bul nárse qalypty, - dep oı bólіstі Ajar.
Onyń horror janryna qyzyǵýshylyǵyn oıatqan osyndaı hıkaıalar, qazaqtyń mıfterі men ertegіlerі bolǵany anyq. Jas prodıýser Ajar Taıjan alda qazaq mádenıetіn shetelge tanytýdy jalǵastyryp, osyǵan deıіngі jetken jetіstіgіnen de kóp belesterdі baǵyndyrar degen tіlekpen suhbatymyzdy aıaqtadyq.