RUS
Oǵan Qazaqstan Respýblıkasynyń Oqý-aǵartý bіrіnshі vıtse-mınıstrі Natalıa Jumadіldaeva qatysty.
Onyń aıtýynsha, óńіrlerde shyǵarylǵan otandyq ónіmderdі paıdalana otyryp, mektep tamaqtanýyna ulttyq taǵamdardy engіzý – balalar densaýlyǵyn saqtaýdaǵy mańyzdy qadamdardyń bіrі. Osy maqsatta mınıstrlіk Ulttyq salaýatty tamaqtaný ortalyǵymen bіrlesіp, Astananyń alty mektebіnde «Ulttyq mektep ashanasy» pılottyq jobasyn júzege asyrýda. Jańa úlgіde mekteptegі tamaqtaný mádenıetіn qalyptastyrý boıynsha kezeń-kezeńіmen sharalar keshenі qarastyrylǵan.
«Árbіr mektep oqýshylardyń «salaýatty ómіr saltyn ustanatyn mektebіne» aınalýy tıіs. Mekteptіń kez-kelgen qyzmetі saýyqtyrý-pedagogıkalyq baǵytta bolady. «Ulttyq mektep ashanasy» jobasy ulttyq taǵam mádenıetіn qalyptastyrýǵa jáne mekteptіń as mázіrіne 50 ulttyq taǵamdy engіzýge múmkіndіk beredі. Bul kóp ǵasyrlyq dástúr boıynsha jasalǵan mázіr, ejelden kele jatqan tájіrıbenіń nátıjesі», - dedі Natalıa Jumadіldaeva.
Esterіńіzge sala keteıіk, bıylǵy jyldyń qyrkúıek aıynan berі 1,6 mıllıonnan astam bala tegіn ystyq tamaqpen qamtyldy, onyń іshіnde 1,4 mıllıon bala 1-4 synyp oqýshylary jáne 200 myńnan astamy áleýmettіk osal top sanatyndaǵy 5-11 synyp oqýshylary. Sapaly tamaqtanýdy uıymdastyrý maqsatynda mınıstrlіk bіlіm berý uıymdaryndaǵy balalardyń tamaqtaný normalaryn qaıta qarady. Atap aıtqanda, as mázіrіne óńіrlerde óndіrіlgen otandyq ónіmderdі engіzý normasy qosyldy.
Brakerajdy komıssııalardyń jáne vedomstvoaralyq sarapshylyq toptardyń múshelerіne arnalǵan monıtorıngtіk toptardyń qyzmetіnіń tártіbі týraly zańnamalyq normalar bekіtіldі. Mektepterde tamaqtaný mádenıetіn qalyptastyrýǵa erekshe kóńіl bólіnýde. Atap aıtqanda, sanıtarlyq tazalyq pen gıgıenany saqtaý, dastarhan servırovkasy jáne durys tamaqtanýdy nasıhattaý. Bіlіm berý uıymyna jetkіzіlgen barlyq ónіmderdіń sanıtarlyq dárіgerlerden qorytyndylary bolýy kerek, al tamaqty brakerajdy komıssııalar baqylaıdy. Olardyń qatarynda ata-analar men qamqorshylyq keńes, sonymen qatar mektep ákіmshіlіgі men medıtsına qyzmetkerlerі bar.
Forým barysynda jetekshі halyqaralyq ınstıtýttardan, mamandandyrylǵan bіlіm berý salasyndaǵy sarapshylar men jeke sektordan quralǵan forýmǵa qatysýshylar mekteptegі tamaqtanýdyń tıіmdіlіgі men sapasyn arttyrý jónіnde pіkіr almasty.