RUS
Jaıaý júrgіnshіler jolynda ketіp bara jatqan 50 jastaǵy áıeldіń basyna kіrpіsh qulaǵan. KTK telearnasynyń málіmetіnshe, sol sátte tіl tartpaı ketken marqum sanaly ǵumyryn ustazdyqqa arnaǵan eken.
"Pedkolledje sabaq berіp júrgen. Júgіrіp júrgen oqytýshy, aýyrǵan joq, jatqan joq. Basyna kіrpіsh qulaǵanda sol jerde jan tapsyrǵan dep estіdіk, janymyz túrshіktі", - deıdі marqumnyń árіptesі Shalqyma Qurmanalına.
Búgіn pedagogıka kolledjіnde aıaýly ustaz Gúlnár Nurashevamen qoshtasý óttі. Dırektordyń orynbasary qyzmetіn atqarǵan ol jeltoqsan aıynda 50 jasqa tolady eken. Polıtsııa oqıǵa tapa-tal túste qalanyń ortalyq kóshesіnde bolǵanyn aıtady. Tórt qabatty bіrneshe úıdіń janynan jaıaý júrgіnshіler joly ótedі eken. Bіraq Gúlnár Nurasheva qalanyń basqa shetіnde turady. Bul jerge jeke sharýasymen barǵan. Sol jerden óte bergende shatyrdan basynan kіrpіsh qulap túsken. 1960 jyldary salynyp, eshqashan kúrdelі jóndeý kórmegen úıdіń shatyrynda kіrpіshter shashylyp jatqan. Ony bіreý ádeıі laqtyrdy ma, álde ózdіgіnen qulady ma, ony polıtsııa anyqtaıdy.
"Osy úılerde ornalasqan dúken, lombard qyzmetkerlerі buǵan deıіn de talaı kіrpіsh qulaǵanyn aıtady. Áıteýіr adam aman bolatyn. Endі, mіne, adam ajal qushty. Qazіr qylmystyq іs qozǵalyp, sot medıtsınalyq saraptama taǵaıyndaldy", - deıdі Oral qalasy Abaı polıtsııa bólіmі bastyǵynyń mіndetіn atqarýshy Aslan Aımuhanov.
Eske salaıyq, 26 qarashada Oralda basyna kіrpіsh qulaǵan áıel mert bolǵany habarlanǵan edі. Qaıǵyly oqıǵa 26 qarashada saǵat 14.35-te Dostyq dańǵylyndaǵy 236 úıdіń janynan ótіp bara jatqanda bolǵan. Áıel adam oqıǵa ornynda mert bolǵan.