RUS
Qazaqstan Prezıdentі Togo delegatsııasyna іltıpat bіldіre otyryp, dostas ekі el arasyndaǵy dıplomatııalyq qatynastardyń 10 jyldyǵy qarsańynda Astanada ótіp jatqan bul sapardyń sımvoldyq mánі bar ekenіn atap óttі.
– Búgіngі kelіssózder ekіjaqty baılanystardyń jańa kezeńіn aıqyndap, ózara tıіmdі yntymaqtastyǵymyzdyń perspektıvtі baǵyttaryn zerdeleýge zor múmkіndіk beredі. Bіz Togomen aradaǵy yqpaldastyqty nyǵaıtýǵa múddelіmіz jáne Sіzdіń elіńіzdі Afrıkadaǵy mańyzdy serіktes retіnde qarastyramyz, – dedі Memleket basshysy.
Prezıdent ekі eldіń bіr-bіrіnen alys jatqanyna qaramastan, ortaq tustary kóp ekenіne, atap aıtqanda, kópkonfessııaly jáne kópetnosty quramymen erekshelenetіnіne toqtaldy.
– Qazaqstanda 100-den astam etnos ókіlderі turady. Konfessııaaralyq jáne dіnaralyq dıalogty damytý – bіzdіń memlekettіk saıasatymyzdyń basym baǵyttarynyń bіrі, – dedі Qasym-Jomart Toqaev.
Memleket basshysynyń pіkіrіnshe, Qazaqstan men Togo arasyndaǵy serіktestіktіń áleýetі álі tolyq paıdalanylmaı otyr. Ony damytý úshіn ekіjaqty qujattarǵa, sonyń іshіnde ınvestıtsııalardy ózara qorǵaý týraly kelіsіmge qol qoıý qajet. Qazaqstan Prezıdentі ekіjaqty saýda-sattyqty órkendetý jáne іsker toptar arasyndaǵy baılanysty nyǵaıtý mańyzdy ekenіne toqtalyp, Qazaqstannyń Togodaǵy Qurmettі konsýly laýazymyna laıyqty kandıdatty anyqtaýdy usyndy. Memleket basshysy mundaı qadam ekі el arasynda B2B formatyndaǵy baılanystardy damytýǵa septіgіn tıgіzedі dep esepteıdі.
– Búkіl álemdegі halyqaralyq yntymaqtastyqty nyǵaıtýǵa atsalysý іsіnde Qazaqstan men Togo sııaqty memleketter meılіnshe belsendі jáne konstrýktıvtі ról atqara alady dep sanaımyn, – dedі Memleket basshysy.