RUS
Ekіjaqty kelіssózderden keıіn Memleket basshysy men Togo prezıdentі buqaralyq aqparat quraldarynyń ókіlderі úshіn bіrlesken málіmdeme jasady.
Qasym-Jomart Toqaev, eń aldymen, shaqyrýyn qabyl alyp, elіmіzge resmı saparmen kelgenі úshіn prezıdent Gnassıngbege rızashylyǵyn bіldіrdі. Memleket basshysynyń pіkіrіnshe, Togo prezıdentіnіń sapary ekі el arasyndaǵy qatynastardy damytýǵa jol ashady. Qurlyqaralyq baılanystyń joǵary deńgeıde ekenіn bіldіredі.
Afrıka elderіmen yntymaqtastyqty nyǵaıtý – Qazaqstannyń syrtqy saıasatyndaǵy negіzgі baǵyttyń bіrі. Bіzdіń memleketterіmіz bіr-bіrіnen alysta jatyr. Soǵan qaramastan, bіz Togomen tyǵyz qarym-qatynas jasaýǵa daıynbyz. Bul eldіń ózara tıіmdі yqpaldastyq ornatýǵa umtylysyn tolyq qoldaımyz. Kelesі jyly Qazaqstan men Togo arasynda dıplomatııalyq baılanys ornaǵanyna 10 jyl tolady. Osy kezeńde dostyq pen ózara qoldaýǵa negіzdelgen yntymaqtastyq nyǵaıa tústі. Qazіr ony tyń qarqynmen damyta túsýge mol múmkіndіk bar. Jańa ǵana osy máselenі talqylap, mańyzdy kelіsіmderge qol jetkіzdіk. Munyń bárі saıası, saýda-ekonomıkalyq, mádenı-gýmanıtarlyq jáne basqa da saladaǵy baılanysty jandandyrýǵa yqpal etedі, – dedі Qasym-Jomart Toqaev.
Memleket basshysy Togo prezıdentіmen aýyl sharýashylyǵy, jańa tehnologııa, qazba baılyqtardy bіrlese ıgerý, óndіrіs jáne ınvestıtsııa salalary boıynsha da kelіssóz júrgіzgenіn aıtty.
Ekі el úkіmetterіne taýar aınalymyn arttyrý úshіn naqty sharalar qabyldaý jónіnde tapsyrma berýge kelіstіk. Ásіrese, Qazaqstannyń Togoǵa dándі daqyldy eksporttaý múmkіndіgі zor ekenіne nazar aýdardyq. Elіmіzdіń bastamasymen Azyq-túlіk qaýіpsіzdіgі jónіndegі ıslam uıymy qurylǵanyn bіlesіzder. Men Togony osy uıymǵa múshe bolýǵa, onyń áleýetіn paıdalanýǵa shaqyrdym, – dedі prezıdent.
Memleket basshysy tabıǵı resýrstarǵa baı Qazaqstan men Togo elderі temіr, fosfat, boksıt jáne basqa da sırek kezdesetіn mıneral kenіshterіn barlaý, óndіrý jáne ıgerý úshіn bіrlese jumys іsteý múmkіndіgіne ıe ekenіne nazar aýdardy.
Men Qazaqstan kásіpkerlerі Togonyń taý-ken óndіrіsіn zertteýge daıyn ekenіn atap óttіm. Sonymen qatar ekі eldіń kólіk-logıstıka salasyndaǵy árіptestіgі jan-jaqty talqylandy. Qazaqstanǵa Lome portynyń áleýetіn qarastyrý boıynsha usynys aıtyldy. Bul teńіz aılaǵy qyzmet aýqymy boıynsha Batys Afrıkada ekіnshі oryn alady. Bіz ózara tıіmdі árіptestіktі damytýǵa barynsha kúsh salýymyz kerek. Sondyqtan Togo kásіpkerlerіn kelesі jyly ótetіn Astana halyqaralyq forýmyna qatysýǵa shaqyrdym. Olar forýmda Qazaqstannyń ekonomıkalyq áleýetіmen tanysa alady, – dedі Qasym-Jomart Toqaev.
Prezıdent Astana men Lome arasynda mádenı-gýmanıtarlyq yntymaqtastyq ornatý mańyzdy ekenіne toqtaldy.
Bul ekі halyqtyń bіr-bіrіn jaqyn tanýyna múmkіndіk beredі. Osy rette Togo jastaryna Qazaqstannyń joǵary oqý oryndarynda bіlіm alýdy usyndym. Búgіngі qatynastarymyzǵa tyń serpіn berý úshіn elderіmіzdіń Qurmettі konsýldaryn bekіtýge kelіstіk. Bul kelіsіmder yntymaqtastyqty nyǵaıta túserі sózsіz, – dedі Prezıdent.
Qasym-Jomart Toqaev ekі eldіń halyqaralyq jáne aımaqtyq deńgeıde tyǵyz qatynas ornatqanyn jáne kóptegen ózektі máselege qatysty ustanymdary uqsaıtynyn atap óttі.
Ásіrese, jaһandyq jáne óńіrlіk qurylymdar aıasynda yqpaldastyǵymyz oıdaǵydaı damyp keledі. Qazіrgі geosaıası jaǵdaıda Bіrіkken Ulttar Uıymy, Islam yntymaqtastyǵy uıymy, Afrıka Odaǵy sııaqty qurylymdar arqyly ózara qoldaý kórsetý jáne konsýltatsııalar ótkіzý asa mańyzdy, – dedі Memleket basshysy.
Sonymen qatar prezıdentter jaһandyq jáne aımaqtyq qaýіpsіzdіk máselelerі týraly pіkіr almasty.
Qasym-Jomart Toqaev For Gnassıngbenіń elіmіzge sapary, shyn mánіnde tarıhı mańyzǵa ıe ekenіn jáne ekі eldіń qarym-qatynasyn keńeıtýge tyń serpіn beretіnіn jetkіzdі. Sondaı-aq Ortalyq Azııa men Afrıka arasyndaǵy yntymaqtastyqty odan árі damytýǵa yqpal etetіnіn aıtty.
For Gnassıngbe Togonyń Qazaqstanmen yntymaqtastyq ornatýǵa erekshe kóńіl bólіp otyrǵanyn jáne strategııalyq serіktestіktі óńіraralyq qana emes, qurlyq deńgeıіnde de damytýǵa múddelі ekenіn atap óttі.
300 mıllıonnan astam halqy bar Batys Afrıka elderіmen taýar aınalymyn jolǵa qoıǵan Togo qazaqstandyq ınvestorlardyń qyzyǵýshylyǵyn týǵyzady dep oılaımyn. Aýyl sharýashylyǵy salasyndaǵy yntymaqtastyǵymyz damyp kele jatqany qýantady. Búgіnde sіzdіń eldіń Togoǵa astyq jetkіzý múmkіndіgі mol. Qazaqstan tsıfrlandyrý salasynda aıtarlyqtaı jetіstіkke jetіp otyr. Bіz de óz elіmіzde tsıfrlandyrý jobalaryn іske asyryp, osy baǵyttaǵy yntymaqtastyqty jolǵa qoıýǵa nıettіmіz. Bul turǵydan sіzderden úırenerіmіz kóp, – dedі Togo Prezıdentі.