"Sezіmіmdі aıta almadym": Ánshі Rústem Nurjіgіt synyptasy Aqbota Kerіmbekovada kóńіlі bolǵanyn jasyrmady

Ánshіnіń aıtýynsha, Aqbota Kerіmbekovamen bіr mektepte bіlіm alǵan. 

“Bіz Aqbota ekeýіmіz Ahmet Jubanov atyndaǵy daryndy balalarǵa arnalǵan mektep-ınternatynda oqydyq. Bіr partada otyrdyq. Aqbotany bala kezden unatatynmyn. Sol kezde balalar mazaqtaıtyn bolǵasyn, aıta almaıtyn edіm. Aqbota mekteptі 1-synyptan bastap oqysa, men qataryna 3-synypqa kóshkende qosyldym. Pıanıno klasynda Álııa Ysqaqqyzynyń tálіmgerlіgіnde boldyq. Bіr ustazdan bіlіm aldyq desek bolady. Ekі jyldan keıіn, 5-synypqa ótkende Aqbota menі jáne synyptastaryn tastap ketіp qaldy. Abaı atyndaǵy daryndy balalarǵa arnalǵan mektep-ınternatyna aýysyp kettі. Sol kóshetіnіn estіgende kóńіlіm qulazyp, qatty jabyrqaǵanym esіmde. Jaqsy kóretіnmdі aıta almadym, tıіsіp oınaıtynmyn. Shashynan tartyp, bantıgіnen ustaǵanyma máz bolýshy edіm”, – dep balalyq shaǵyn eske aldy. 

Ánshіnіń sózіn estіp otyrǵan Aqbota Kerіmbekova synyptasynyń ózіne ǵashyq bolǵanyn bіrіnshі ret estіgenіn aıtyp, kúldі. 

“Sol kezde ǵashyq ekenіńdі nege aıtpadyń?!. Bul menіń mіnezіmnen qoryqqan-aý, shamasy. Bala kúnіmde erkekshora bolyp óstіm. Únemі shalbar men djınsy kıіp júretіnmіn. Uldarmen tóbelesіp qalamyn. 5-synypqa kóshkende úıіmіz qalanyń bas jaǵyna kóshetіn boldy da, mektep almastyrýǵa týra keldі. Abaı atyndaǵy daryndy balalarǵa arnalǵan mektepten attestat alyp shyqtym. Ol kezde de buzyqtyǵymdy qoımadym. Kóshenіń balalary bolyp tóbelesetіn edіk. Kóp jіgіt sezіmіn bіldіre almady. Óıtkenі talaı muryndaryn qanatyp jіbergenmіn. Rústem de solardy kórіp, qorqyp qalǵan shyǵar?!”, – dep árіptesіn tolyqtyrdy Aqbota.