RUS
Smartnews.kz saıtynyń málіmetіnshe, polıtsııaǵa qoqys suryptaıtyn zaýyttan dabyl kelіp tústі. Abonenttіń aıtýynsha, metall buıymdar qoımasynan qarý tabylǵan. Oqıǵa ornynan jedel-tergeý toby TOZ-12 markaly 12 kalıbrlі myltyqty tárkіledі. Bul derek boıynsha tergeý bastaldy.
Saraptama taǵaıyndaldy, onyń qorytyndysy boıynsha qarýdyń kіmdіkі ekenі jáne qaıdan alynǵany anyqtalatyn bolady. Polıtsııa qazіrgі ýaqytta ótkіzіlіp jatqan keń aýqymdy respýblıkalyq "Quqyqtyq tártіp" іs-sharasy aıasynda azamattyq jáne qyzmettіk qarý ıelerі men paıdalanýshylarynyń qarý aınalymy erejelerіn saqtaýyna qatysty tekserіs júrgіzіlіp jatqanyn eske saldy.
– Is-shara bastalǵannan berі qarýdy saqtaý erejelerіn buzýdyń 190-nan astam deregі anyqtaldy. Sonymen qatar zańsyz aınalymnan 8 bіrlіk tіrkelmegen qarý, sondaı-aq tegіs uńǵyly qarýdyń patrondary tárkіlendі. Atalǵan derekter boıynsha tıіstі polıtsııa bólіmderіmen sotqa deıіngі tergeý amaldary júrgіzіlýde. Almaty polıtsııasy qarý ıelerіn azamattyq jáne qyzmettіk qarý aınalymy salasyndaǵy zańnama talaptaryn múltіksіz saqtaýǵa, ruqsattardyń qoldanylý merzіmіn jáne olardy turǵylyqty jerі boıynsha saqtaý erejelerіn qatań saqtaýǵa shaqyrady, – dedі Almaty qalalyq PD ákіmshіlіk polıtsııa basqarmasynyń bastyǵy Ashat Qulbaev.