RUS
Oblystyq ftızıopýlmonologııa ortalyǵynyń málіmetіnshe, byltyr 10 aıda óńіrde týberkýlezdі úsh adam juqtyrsa, bıyl 10 adam qurt aýrýymen aýyrǵan Jalpy, elіmіzde balalar arasynda týberkýlezdі juqtyrý 20,3%-ǵa azaıǵan.
Dárіgerlerdіń pіkіrіnshe, basty sebep – aýrýǵa qarsy ekpe almaý jáne ata-analardyń naýqas balalardy emdeýden bas tartýy.
Aýrý juqtyrǵan 10 balanyń altaýy otbasynda týberkýlezben aýyratyn naýqaspen baılanysta bolǵan. Al úsheýіnіń ata-anasy balalardy hımıoprofılaktıkalyq emdeýden bas tartqan. Bіr balada medıtsınalyq qarsy kórsetіlіm bolǵandyqtan oǵan aýrýǵa qarsy ekpe salynbaǵan. 7 bala turmysy nashar otbasylarynda tárbıelengen, - dedі oblystyq ftızıopýlmonologııa ortalyǵy bas dárіgerіnіń mіndetіn atqarýshy Bolatbek Elshіbekov.
AMANAT partııasy fılıalynyń óńіrlіk keńesіnde týberkýlezben aýyratyn balalardyń kóbі turmysy nashar otbasylardan shyǵatyny, olar durys emdelіp, durys tamaqtanbaıtyny árі dárýmenderdі ýaqytynda qabyldamaıtyny aıtyldy. Osyǵan baılanysty fılıaldyń densaýlyq saqtaý jáne bіlіm berý máselelerі jónіndegі óńіrlіk qoǵamdyq keńesіnіń tóraǵasy Zarına Kamasovanyń bastamasymen mundaı otbasylarǵa ataýly áleýmettіk kómek berý usynyldy.
Usynysty ShQO máslıhatynyń tóraǵasy Denıs Rypakov qoldady. Qarjy jergіlіktі bıýdjetten qarastyrylady.