RUS
Qaraǵandy qalasy Qazybek bı aýdandyq sotynyń habarlaýynsha, Sh. qylmystyq kodekstіń 170-babynyń 3-bólіgі boıynsha aıyptalǵan. Oǵan qarýly qaqtyǵysqa, áskerı іs-qımyldarǵa jáne konstıtýtsııalyq qurylysty qulatýǵa jáne buzýǵa nemese memlekettіń aýmaqtyq tutastyǵyn buzýǵa baǵyttalǵan ózge de zorlyq-zombylyq áreketterge qatysty degen aıyp taǵylǵan.
Sh. 2023 jyldyń naýryzynda Qaraǵandy oblysynyń Topar kentіndegі úıіnde «VK» áleýmettіk jelіsі arqyly «Vagner» jeke áskerı kompanııasy týraly bіlgen. Ol aqshalaı syıaqy alý maqsatynda Ýkraına aýmaǵyndaǵy jaýyngerlіk іs-qımyldarǵa qatysýǵa kelіsken.
Sodan soń Reseı aýmaǵyna baryp, ChVK qataryna qosylyp, áskerı daıyndyqty júzege asyrǵan. Sáýіrdіń sońynda ol Ýkraına aýmaǵynda ornalasqan Bahmýt qalasyna jіberіlіp, ol jerde Ýkraınanyń konstıtýtsııalyq qurylysyn jáne aýmaqtyq tutastyǵyn buzýǵa baǵyttalǵan іs-qımyldarǵa qatysqan. Sol jerde jaraqat alǵan.
Prokýror sottan Sh. alǵan aqsha tárkіlenіp, 6 jyl 8 aı merzіmge bas bostandyǵynan aıyrý jazasyn taǵaıyndaýdy surady.
Sottalýshy kіnásіn tolyq moıyndady.
Osylaısha sot ony 6 jyl 8 aı merzіmge bas bostandyǵynan aıyrdy. Sondaı-aq alǵan aqsha tolyq tárkіlendі. Sh. jazasyn qaýіpsіzdіgі ortasha mekemede óteıdі.
Sot úkіmі zańdy kúshіne endі.