Qazaqstan Palestınaǵa qosymsha gýmanıtarlyq kómek kórsetedі
Memleket basshysy Qasym-Jomart Toqaevtyń tapsyrmasyna sáıkes Qazaqstan Palestınaǵa qosymsha gýmanıtarlyq kómek kórsetedі. Bul týraly Úkіmettіń baspasóz qyzmetі málіmdedі.
Atalǵan másele QR premer-mınıstrіnіń bіrіnshі orynbasary Roman Sklıardyń tóraǵalyǵymen ótken Úkіmettіk komıssııa otyrysynda talqylandy.
Gýmanıtarlyq kómekke jalpy salmaǵy 38 tonnadan asatyn azyq-túlіk, tósek-oryn jabdyqtary, dárі-dármek jáne medıtsınalyq buıymdar kіredі.
Júkter jaqyn arada áýe kólіgіmen jóneltіledі.
Qazaqstannyń qoldaýy Gaza sektorynda oryn alǵan gýmanıtarlyq apatty jaǵdaıǵa baılanysty Palestınaǵa kómek kórsetýge baǵyttalǵan.
Buǵan deıіn Qazaqstan Palestına halqyna $1 mln kólemіnde gýmanıtarlyq kómek kórsetken bolatyn.