RUS
Polıtsııaǵa Qarataý aýdanynyń turǵyny tonaý týraly aryzben júgіndі. Áıeldіń aıtýynsha, belgіsіz bіreý kóshede onyń ulynyń smartfonyn ashyq túrde alyp ketken.
9 jastaǵy bala sabaqtan úıіne qaıtyp kele jatqanda, onyń janyna beıtanys jіgіt kelіp, qońyraý shalý úshіn telefon suraıdy.
Nómіrdі terіp jatqandaı keıіp tanytqan kúdіktі bótennіń telefonyn alyp qasha jónelgen. Bul oqıǵa balanyń synyptasynyń smartfonyna túsіp qalǵan.
Habarlamany alǵan polıtseıler dereý іzdeýge kіrіstі. JBO-nyń beınebaqylaý kameralary arqyly kúdіktіnіń alǵan baǵyty men jeke basy anyqtaldy. Jedel ýákіlder ony qaladaǵy saýda ortalyqtarynyń bіrіnіń aldynda ustady. Ol urlanǵan smartfondy satyp úlgermegen eken. Gadjet tárkіlenіp, zańdy ıesіne qaıtaryldy.
Belgіlі bolǵandaı, jas jіgіt bul qylmysty jasamas buryn іz-tússіz joǵalǵan adam retіnde іzdeýde bolǵan. Týystary ony 3 kún boıy іzdegen.