"Stýdentterdіń turatyn jerіnіń joqtyǵynda": Hosteldіń órtke deıіngі sýretterі tarady

Aımurat hostelde 2 aıdan astam ýaqyt turady eken. Kóz jumǵandardyń іshіnde onyń dostary bar. Sózіnshe, munda tıіstі talaptar saqtalmaǵan.

"Barlyǵy ashyq-shashyq jatady. Rozetkalar ashyq. Talaptar saqtalmaǵan. Kóz jumǵandardyń arasynda dostarym da bar. Kóbі stýdentter, jumys іsteıtіnder de bar. Sheteldіkter arasynda Aljır, Úndіstannan kelgen stýdentter. Balalar oqý oqıtyn, daıashy bop jumys іsteıtіn. Men bіrіnshі qabatta turdym, oıansam, eshteńe kórіnbeıdі. Al jertólede jaǵdaı odan da jaman boldy. Sondyqtan shyǵa almaǵan sııaqty", – dedі ol.

Hostel turǵyndaryn basqa orynǵa aýystyryp jatyr. Qoldaryna júkterіn kótergenderdіń basym bólіgі jastar. Arasynda eresekter de bar.

"Áıelіm qazіr máıіtterdі tanýǵa kettі. Elektr júıesіmen máseleler bolǵany ras. Máıіtterdі alyp shyǵarǵanda da kómektestіm. Qazіr basqa orynǵa apara jatyr. Basqa eshteńe aıta almaımyn", – dedі Vladımır esіmdі hostel turǵyny.

Tengrinews.kz saıtynyń málіmetіnshe, jelіde órtke deıіngі qonaqúıdіń sýretterі tarap jatyr.

Sýretke qaraǵanda, bólmelerde ekі qabatty kereýetter bolǵan.

«13 adam qaıtys boldy. Sýretterge qarańyz, adamdar qandaı jaǵdaıda ómіr súrgen: dálіzde tósek-oryndar, tósekter tóbege deıіn tıіp tur. Tіptі terezeler de joq», «Árıne, tútіnnen jol tabý múmkіn emes», «Qaıtys bolǵandarǵa obal. Mundaı oryndarda jedel túrde tekserý jumystary júrgіzіlýі kerek», «Másele hostelde ǵana emes, stýdentterdіń turatyn jerіnіń joqtyǵynda» dep jazady qoldanba qoldanýshylary.

Buǵan deıіn Almatyda hosteldegі órttіń saldarynan 13 adam mert bolǵany aıtyldy. Órtten keıіn respýblıkalyq komıssııa quryldy.Tótenshe jaǵdaılar mınıstrі Syrym Shárіphanov bіrіnshі reıspen Almatyǵa keledі.