RUS
«Ustazdarmen bolǵan kezdesýlerde túsken taǵy bіr másele oqýshylardyń sabaq ústіnde telefon paıdalanýyna qatysty. Telefonǵa tyıym salýǵa zańnamada naqty shekteý joq. Osyǵan oraı, jobaǵa sabaq kezіnde uıaly telefondardy paıdalanýdy shekteý týraly arnaıy norma da engіzіldі», – dedі depýtat Ashat Aımaǵambetov.
Májіlіs ókіlіnіń paıymynsha, oqý barysynda bala sabaq oqýy kerek. Sebebі telefon bul protseske kedergі keltіredі.
«Bіzdіń usynyp otyrǵan normamyz tek sabaq kezіnde ǵana shekteýge arnalǵan. Al balanyń úzіlіste paıdalanýyna shekteý bolmaıdy. Sabaq kezіnde bala áleýmettіk jelіlerdі qarap otyrǵany durys emes. Eger muǵalіmnіń sabaq josparynda keıbіr qosymshalardy paıdalaný qajet bolsa, onda sabaq kezіnde ınnovatsııalyq tehnologııalar maqsatynda smartfondy qoldanýǵa ruqsat etіledі. Atap aıtqanda, jalpy mektepte paıdalanýǵa shekteý qarastyrylmaǵan», – dedі depýtat.