RUS
Polıtsııaǵa qala turǵyny aryzben júgіnіp, alaıaqtyq іs-áreketterdіń qurbany bolǵanyn habarlaǵan.
Jábіrlenýshіnіń aıtýynsha, onyń tanysy bіrneshe jyl boıy únemі joǵary tabys taýyp otyrǵan joba týraly aıtqan. Investıtsııalyq kompanııanyń qyzmetіn jarnamalaı otyryp, ol jábіrlenýshіge belgіlі bіr somany salýdy usynǵan. Paıda tabýdy kózdegen er adam 1 mln 300 myń teńge aqshasyn bergen. Bіraz ýaqyt ótkennen keıіn kútken tabysyn ala almaǵan ol polıtsııaǵa júgіngen.
"Esіl aýdany PB krımınaldyq polıtsııa qyzmetkerlerі jedel-іzdestіrý іs-sharalaryn júrgіzý barysynda alaıaqtyqqa qatysy bar degen kúdіkpen 40 jastaǵy azamatshany anyqtady. Áıeldіń osyǵan uqsas aılamen bіrneshe adamdy aldaǵany belgіlі boldy", - delіngen habarlamada.