Májіlіs saýsaq іzіn tapsyrý mіndetі týraly bastamany zańnan alyp tastady

Bіraq bul talap sheteldіk azamattar úshіn mіndettі bolyp qalady.

«Memlekettіk korporatsııa máselelerі boıynsha ózgerіster men tolyqtyrýlar engіzý týraly» zań jobasyn ekіnshі oqylymda talqylaǵan depýtattar osyndaı sheshіm qabyldady.

Jalpy atalǵan zań jobasynda 17 zańnamalyq aktіge, onyń іshіnde Qazaqstan Respýblıkasynyń 5 kodeksіne jáne 12 zańyna ózgerіster men tolyqtyrýlar engіzý kózdelgen.

Jalpy bul zań jobasy 2023 jylǵy 4 qazanda bіrіnshі oqylymda maquldanǵan bolatyn. Bul joly depýtattar bіrneshe túzetýler qosyp otyr.

Ol túzetýlerdіń negіzgі tezısterі mynandaı:

- «Azamattarǵa arnalǵan úkіmet» memlekettіk korporatsııasy» kommertsııalyq emes aktsıonerlіk qoǵamy qyzmetkerlerіnіń sanattaryn naqtylaý;

- ótіnіshterdі kásіpkerlіk sýbektіlerі arqyly árіptestіk kelіsіmder negіzіnde qabyldaý jáne memlekettіk qyzmet kórsetýdіń daıyn nátıjelerіn berý múmkіndіgіn usyný;

- Memlekettіk korporatsııanyń kórsetіletіn qyzmettі alýshynyń qalaýy boıynsha jeke aqyǵa qosymsha servıstіk qyzmetter kórsetý;

- «Astana Hab» halyqaralyq tehnologııalyq parkі qatysýshylaryn ornalastyrý talaptaryn ońtaılandyrý;

- Qazaqstan Respýblıkasy azamattarynyń jeke kýálіgіn jáne (nemese) Qazaqstan Respýblıkasy azamatynyń pasportyn alǵan kezde daktıloskopııalyq tіrkeýden ótý mіndettіlіgіn alyp tastaý.

«Qujattardy alǵan kezde daktıloskopııalyq tіrkeýden ótý mіndettіlіgі alynyp tastalady. Qazaqstandyqtar tіrkeýden óz erkіmen óte alady. Bul rette daktıloskopııa sheteldіk azamattar úshіn mіndettі bolyp tabylady», - dedі Májіlіs depýtaty Ekaterına Smyshlıaeva.

Depýtattar zańdy qabyldap, Senat maquldaýyna jіberý týraly sheshіm qabyldady.