RUS
«Bul qylmystyq іs boıynsha qazіr barlyq tıіstі saraptamalar taǵaıyndaldy. Búkіl aqparat sіzderge berіldі ǵoı. Endі marqumnyń ólіmіne alyp kelgen bul, árıne, Q.Bıshіmbaevtyń іs áreketі ekenі, zańsyz іs-áreketterіnіń nátıjesі ekendіgі sózsіz. Qylmystyq іstі tergeý nátıjesі boıynsha saraptamalar daıyndalǵannan keıіn tergeý organdary qosymsha habarlaıdy», – dedі Bas prokýrordyń orynbasary.
Sondaı-aq ol kúdіktіnіń áýelde tergeý organdaryna jaýap berýden úzіldі-kesіldі bas tartqany týraly málіmetke pіkіr bіldіrdі.
«Tergeý organdary bіrіnshі kúnі osy qylmysqa kіnálі Q.Bıshіmbaev ózіnіń quqyqtaryn paıdalana otyryp, qandaı da bіr maǵlumattar berýden bas tartyp otyrǵanyn aıtqanyn bіlesіzder. Bul bіrіnshі kúnderі solaı bolǵan. Bіraq qazіr qylmystyq іs júrіp jatyr. Basqa da naqty derekter aıtylǵan bolsa, onyń suratý kerek», – dedі Jandos Ómіrálıev.
Qýandyq Bıshіmbaevqa asqan qatygezdіkpen kіsі óltіrdі degen aıyp taǵylyp otyrǵany da aıtylyp óttі.
«Bıshіmbaevtіń ústіnen asqan qatygezdіkpen kіsі óltіrý baby boıynsha qylmystyq іs qozǵalǵanyn bіlesіzder. Sondaı-aq ol ustalǵan bolatyn jáne onyń týysqany atalǵan qylmysty búrkemelep polıtsııaǵa habarlamaǵany úshіn ızolıatorǵa alyndy», – dedі quzyrly organ ókіlі.