RUS
SmartNews saıtynyń habarlaýynsha, Qazaqstan Ulttyq Bankі jasandy ıntellekttі paıdalana otyryp jasalatyn telefon alaıaqtyǵynyń jıіlep ketkenі týraly eskerttі. Bul týraly Ulttyq bank resmı saıty jazdy.
Alaıaqtar kez kelgen adamnyń jaqyn týystary men tanystary týraly ashyq derekkózderden aldyn ala aqparat jınaıdy. Bul derekkózder – áleýmettіk jelіler, qorǵalmaǵan derekqorlar men ınternette ornalastyrylǵan derbes málіmetter. Budan árі olar daýystyq derekterdіń jazbasyn jasaý úshіn belgіsіz nemese anonımdі telefon nómіrlerіnen qońyraý shalady.
Qaskóıler alynǵan daýystyq jazbalar men jasandy ıntellekt kómegіmen óńdelgen baǵdarlamalardy paıdalana otyryp, derbes derekterdі nemese aqshalaı qarajatty alý maqsatynda ózderіn alaıaqtyq qurbany bolatyn adamnyń týystary nemese jaqyndary retіnde tanystyrady.
Qazaqstan Ulttyq Bankі azamattardy belgіsіz nómіrlerden qońyraý shalynǵan kezde qyraǵylyq tanytýǵa, ózderіnіń derbes derekterіn ashpaýǵa, mobıldі qosymshalardy ornatpaýǵa, mobıldі telefonǵa qashyqtan kіrý ruqsatyn bermeýge jáne telefon arqyly sóılesý barysynda alynǵan nusqaýlar boıynsha úshіnshі tulǵalardyń shottaryna aqshalaı qarajatty aýdarmaýǵa shaqyrady.
Eger Sіz nemese Sіzdіń tanystaryńyz alaıaqtyq shemalaryna tap bolsa, alaıaqtyq faktіsі boıynsha іs júrgіzý úshіn quqyq qorǵaý organdaryna tıіstі ótіnіshpen júgіnýdі usynamyz.