"5 paıyz ǵana": Elіmіzde jas ǵalymdarǵa arnalǵan turǵyn úı baǵdarlamasy іske qosyldy

SmartNews saıtynyń habarlaýynsha, jas ǵalymdardy baspanamen qamtamasyz etý baǵdarlamasy іske qosyldy. Otbasy bank («Báıterek» holdıngіnіń enshіles uıymy) pen QR Ǵylym jáne joǵary bіlіm mınıstrlіgі arasynda qol qoıylǵan yntymaqtastyq týraly kelіsіm aıasynda, 2023 jyldyń 1 jeltoqsanynan bastap ǵalymdardan zaem alý týraly ótіnіshter qabyldaıdy. Bul týraly Otbasy Bank jazdy.

Baǵdarlama ǵylymı uıymdar men joǵary jáne JOO keıіngі bіlіm berý uıymdarynyń jas ǵalymdaryna 5 jyl boıy qoljetіmdі sharttarmen turǵyn úı alý múmkіndіgіn beredі.

– Ǵylymı jańalyqtar men jańa tehnologııalar elіmіzdіń ekonomıkalyq órleýіnіń mańyzdy faktory bolyp tabylady. Jańa tehnologııalardy jasap, onymen jumys іsteı alatyn kadrlardy daıyndaýdyń da mańyzy zor. Bul ról ǵalymdarymyzǵa júktelgen. Atalmysh kásіptіń bedelіn kóterіp, qoldaý kórsetýіmіz kerek. Ǵalymdarymyz kúndelіktі máselelerdі oılamaı, ǵylymǵa den qoıýy úshіn bіz óz tarapymyzdan olarǵa baspana máselesіn sheshýge kómektesýge daıynbyz. Bіz Ǵylym jáne joǵary bіlіm mınıstrlіgіmen bіrlesіp, Otbasy bankіnen jyldyq mólsherlemesі 5%, eń tómengі 10%-dyq alǵashqy jarnamen nesıe alýǵa múmkіndіk beretіn baǵdarlamany іske qosyp jatyrmyz, - dep túsіndіrdі «Otbasy bank» AQ Basqarma tóraıymy Lázzat Ibragımova.

Mınıstrlik, qyzmetkerleri jeńildetіlgen sharttarmen zaem ala alatyn ǵylymı uıymdar men joǵary jáne (nemese) joǵary oqý ornynan keıingi bilim berý uıymdarynyń tizіmіn qalyptastyryp, bankke usynady. Al qatysýshylar pýlyn jumys berýshі belgіleıdі.

Ǵylymı uıymdardyń bіrіnshі basshylary qol qoıǵan joldamany alǵan baǵdarlamaǵa qatysýshylary tólem qabіlettіlіgіn baǵalatý úshіn bankke joldama alady.

Baspanany alǵashqy nemese ekіnshі naryqtan satyp alýǵa bolady. Zaemnyń jyldyq mólsherlemesі 5% (JTSM 5,2% bastap) berіledі. Alǵashqy jarna 10%-dan 50%-ǵa deıіn bolady. Baǵdarlamaǵa qatysýshysyna berіletіn eń joǵary zaem somasy 20 mln teńgege deıіn.

Ǵalymdardy nesıelendіrý baǵdarlamasyna qatysýshysy 40 jastan aspaýy tıіs. Onyń jáne onymen bіrge turatyn otbasy múshelerіnіń sońǵy 5 jylda baspanasy bolmaýy kerek.