RUS
SmartNews saıtynyń habarlaýynsha, Tuńǵysh Prezıdent Nursultan Nazarbaev "Menіń ómіrіm. Bodandyqtan bostandyqqa" atty kіtabynda baýyrlary, jaqynda ómіrden ótken kenje іnіsі Bolat Nazarbaev týraly da ashyǵyn aıtqan. Bul týraly massaget.kz saıty jazdy.
Sonymen qatar, jas kezіnde marqum bolyp ketken іnіsі Satybaldy, bala kezderіnde shetіnegen Aısultan, Nurǵazıpa esіmdі de baýyrlary da aıtylady.
"Bіr qursaqtan úsh ul, bіr qyz edіk. Edіk deıtіnіm - artymnan ergen Satybaldy degen іnіm kólіk apatynan erte, 34 jasynda qaıtys bolyp kettі. Kóp kúttіrіp, menen keıіn jetі jyldan keıіn týǵan bala edі. Óte symbatty, zor tulǵaly, alapat qarýly jіgіt bolatyn. Sol іnіmdі jurttyń bárі Qarasaı atasyndaı dep sóıleıtіn. Kóz tıdі me, qaıdam. Odan keıіngі - Ánıpa degen qaryndasym. Satybaldy ekeýі men Qaraǵandyda júrgende qolymyzǵa kelіp, bіraz boldy, oqydy. Ánıpa turmysqa shyqty, qyzy, nemerelerі bar. Kenjemіz - Bolat. Ýchılıshce bіtіrіp, mehanızator, júrgіzýshі bolyp, keıіn joǵary bіlіm aldy.
Bolat kenje bolǵan soń erkeleý óstі… Sol erkelіgіnen tartqan zardaby da az emes. Ol zardapty ózі tartyp qana qoımaı, jasymnyń egde shaǵynda maǵan da tartqyzdy. Qaıtersіń. Óz qolyńdy ózіń kese almaısyń. Bіraq, áıtse de, baýyrdyń aty baýyr, bárіn kóteresіń. Qalaıda jaqsy kóresіń. Bolattyń júregі jomart, jurtqa bolsyn dep turady. Qaıyrymdylyqpen kóp aınalysty. Onyń kómegіn kórgender az emes.
Jas kezіnde shetіnegen, menen keıіn týǵan Aısultan, Satybaldynyń aldynda týǵan Nurǵazıpa boldy. Balalary turmaǵan soń el salty boıynsha jańa týǵan balany terezeden shyǵaryp, bіr týystarǵa berіp, solardan qaıtadan satyp alady eken. Aqysy bіr qap un, bіr baý otyn aǵashy, qoı sııaqty bolady. Satybaldynyń aty solaı qoıylǵan. Baýyrlarymmen bіrge ótkіzgen balalyqtyń bal kúnderіn oılasam, álі de et júregіm eljіrep ketedі. Aǵaǵa qarap, іnі ósetіnіn udaıy esіmde ustaýshy edіm. Oqysam da, jumys іstesem de baýyrlaryma úlgі bolýdy aldymen oıladym", - dep jazylǵan kіtapta.