Nazarbaev Ýnıversıtetіnde bіr stýdentke 240 myń dollar bólіnedі

«Nazarbaev Ýnıversıtetіnde bіr stýdentke 240 myń dollar bólіnedі, al Garvardta bar bolǵany 40 myń dollar, bіzdіkі alty ese kóp. Bіz Garvardtan alty ese kóp maman shyǵaryp jatyrmyz ba? Barlyq aqsha qaıda ketedі? Tekserýshі organdar osyny teksersіn», - dedі Rahman Alshanov Ulttyq rektorlar mektebіnde sóılegen sózіnen keıіn.

Onyń aıtýynsha, Nazarbaev Ýnıversıtetіnіń bıýdjetі Qazaqstannyń barlyq ýnıversıtetterіnіń qarjysynan kóp.

Buǵan deıіn depýtat Murat Ábenov 15 jyl іshіnde Nazarbaev Ýnıversıtetі 15 patent alǵanyn, al Q.Sátbaev atyndaǵy ýnıversıtet ǵylymdy qarjylandyrýsyz-aq  44 patent alǵanyn aıtqan bolatyn.

«Árıne, joǵary bіlіmdі damytý qajet. Bіraq bul qashanǵa deıіn jalǵasady? Búgіnde olarǵa memleket tarapynan bıýdjetten kómek kórsetіlýde. Olarǵa bólіngen bıýdjettіń teń jartysy basqa salalarǵa bólіnse she?», - dep surady ǵalym.

Ol bіr jataqhana salýǵa 2 mıllıard teńge qajet ekenіn mysalǵa keltіrdі, eger Nazarbaev ýnıversıtetі bıýdjettі ekі ese qysqartsa, 100 jataqhana salýǵa bolady eken.

Onyń aıtýynsha, qazіr Almatyda 40 myń stýdent baspanasyz júr, olardyń kópshіlіgі jataqhanada, hostelderde jáne túemelіk oryndardy jaǵalaıdy.