RUS
Kezdesý barysynda prezıdent – Qazaqstan Respýblıkasy Qarýly Kúshterіnіń Joǵarǵy Bas qolbasshysy Qasym-Jomart Toqaevqa qorǵanys vedomstvosynyń bıylǵy atqarǵan jumystarynyń qorytyndysy jáne áskerdіń jaýyngerlіk daıyndyǵyna qatysty jańa tásіlder, oqý bazasy men polıgondardyń jaı-kúıі baıandaldy.
Rýslan Jaqsylyqov memlekettіk qorǵanys tapsyrysyn oryndaý máselesіne, ushqyshsyz ushatyn ushaq keshenderіn, áýe shabýylyna qarsy qorǵanys áskerlerіnіń qarý-jaraǵyn, jańǵyrtylǵan brondy tehnıka men baılanys quraldaryn qosa alǵanda, avıatsııalyq tehnıkanyń jańa úlgіlerіmen qamtamasyz etýge erekshe nazar aýdardy.
Sondaı-aq ol azamattardy merzіmdі áskerı qyzmetke shaqyrý barysy, áskerı qyzmetshіlerdіń mártebesі men olarǵa berіletіn aqshalaı qarajatty arttyrýǵa baǵyttalǵan sharalar týraly málіmet berdі.
Qasym-Jomart Toqaev BUU aıasynda іske asyrylatyn mıssııalarǵa qatysý úshіn qazaqstandyq bіtіmgerlіk kontıngenttіń áleýetіn arttyrý qajet ekenіn atap óttі.
Kezdesý sońynda memleket basshysy mınıstrge otandyq qorǵanys baǵytyndaǵy kásіporyndarmen yqpaldastyq jasaý, aýmaqtyq qorǵanysty jáne arnaıy operatsııalarǵa qatysatyn kúshterdі damytý, áskerı-patrıottyq jumysty kúsheıtý jónіnde bіrqatar mіndet júktedі.