RUS
Qaraǵandy oblysynyń qylmystyq іster jónіndegі mamandandyrylǵan aýdanaralyq sotynda adam óltіrý jáne sýyq qarýdy zańsyz túrde alyp júrý faktіsі boıynsha іs qaraldy.
26 mamyrda Botaqara kentіnіń AHAT ǵımaratynda jergіlіktі turǵyn men onyń burynǵy áıelіnіń arasynda janjal bolǵan.
Sodan keıіn ol ańshy pyshaǵyn sýyryp alyp, burynǵy áıelіnіń shabyna jáne sol jaq jaýyrynynyń astyna ekі soqqy jasaǵan.
Jábіrlenýshі alǵan jaraqatynan Buqar jyraý aýdany ortalyq aýrýhanasynda qaıtys boldy.
Sottalýshynyń kіnásі kýálardyń aıǵaǵymen, zattaı dáleldememen, saraptama qorytyndysy jáne basqa іs materıaldarymen dáleldendі.
Prokýror aıyptalýshyny ekі bap boıynsha kіnálі dep tanyp, 14 jylǵa bas bostandyǵynan aıyrý jazasyn taǵaıyndaýdy surady.
«Sot úkіmіmen Ý. adam óltіrgenі jáne sýyq qarýdy zańsyz alyp júrgenі úshіn kіnálі dep tanylyp, oǵan bas-aıaǵy 14 jyl bas bostandyǵynan aıyrý jazasy taǵaıyndaldy. Jazany qylmystyq-atqarý júıesіnіń ortasha mekemesіnde óteıdі. Ý-dyń jazasyn jeńіldetetіn jáne aýyrlatatyn mán-jaı anyqtalǵan joq. Jaza taǵaıyndaý kezіnde sot qylmystyń jasalý jaǵdaıyn, sottalýshynyń jasalǵan qylmysqa degen ustanymyn jáne jábіrlenýshі taraptyń pіkіrіn nazarǵa aldy», - dep málіmdedі Qaraǵandy oblysynyń qylmystyq іster jónіndegі mamandandyrylǵan aýdanaralyq sotynyń baspasóz qyzmetі.
Úkіm zańdy kúshіne engen joq.