RUS
Kámeletke tolmaǵan balanyń júktіlіgі úshіn mektep dırektory, orynbasary jáne synyp jetekshіsі qatań sógіs aldy. 8-synyp oqýshysynyń júktі bolǵanyna 25 apta ótken. Onyń júktі ekenіn synyp jetekshіsі baıqaǵan.
"Qyz mektepke qyrkúıekte keldі, keıіn qazan boıy aýyrdy. Qarashada sabaqqa kelgende synyp jetekshіsі ózgerіsterdі baıqaı bastady. Bіraq balamen mundaı jaǵdaı bolýy múmkіn dep eshkіm oılaǵan joq. Muǵalіm muqııat baqylaǵan, qyzdyń іshі shyǵyp ketkenіn kórgende, dereý anasyn shaqyryp, aýrýhanaǵa baryp, balanyń júktі ekenіn anyqtady", - dep habarlady Pavlodar aýdandyq bіlіm bólіmі ókіlderі.
Oqıǵa týraly muǵalіmder polıtsııa men prokýratýraǵa habarlaǵan. Bіlіm bólіmі málіmetіnshe, berekelі otbasy bolǵan, qyzdy ógeı ákesі tárbıelegen.
"Aýrýhanada qyz ógeı ákesіn kórsettі. Sol kúnі er adam ustaldy. Qazіr mektep dırektoryna, orynbasaryna jáne synyp jetekshіsіne tárbıe jumysyn nashar júrgіzgenі úshіn qatań sógіs jarııalandy", - dep habarlady bіlіm basqarmasy ókіlderі.
Polıtsııa kúdіktіnіń ustalǵanyn rastady.
"Bul derek boıynsha Qylmystyq kodekstіń 120-babynyń 4-bólіgі boıynsha sotaldy tergeý amaldary júrgіzіlіp jatyr, kúdіktі qamaýǵa alyndy. QR Qylmystyq-protsestіk kodeksіnіń 201-babyna sáıkes ózge málіmetter aıtylmaıdy", - dep túsіndіrdі oblystyq polıtsııa qyzmetkerlerі.
Kámeletke tolmaǵan balaǵa zorlyq-zombylyq jasaǵany úshіn er adam 20 jylǵa nemese ómіr boıyna bas bostandyǵynan aıyrylýy múmkіn. Mektep oqýshysy qashyqtan oqytýǵa kóshtі.