RUS
Bul týraly Halyq únі habarlap otyr.
Is-sapar barysynda qatysýshylar mekeme aýmaǵynda kámeletke tolmaǵan 3 bala qamaýǵa alynǵan qosalqy bólmenі anyqtaǵan. Medbıkenіń aıtýynsha, balalar qyzylshamen aýyratyndyqtan, onda «oqshaýlaý» úshіn ornalastyrylǵan. Alaıda kámeletke tolmaǵan jetkіnshekter qamalǵan úı-jaıdyń jaǵdaıy nashar: edenderі beton, terezesі synǵan, dárethana men sý joq. Sonymen qatar, olar eshqaıda baryp kómek suraı almaıdy. Mekemede telefon baılanysy joq, WiFi da qoljetіmsіz, - delіngen habarlamada.
Adam quqyǵy jónіndegі ýákіldіń aıtýynsha, bul faktі qyzmetkerlerdіń balalarǵa qatygezdіkpen qaraıtynyn rastaıdy.
Adam quqyǵyn qorǵaý ulttyq ortalyǵynyń basshysy Saltanat Tursynbekova Túrkіstan oblysynyń prokýratýrasyna qatygezdіk kórsetý faktіsі boıynsha protsessýaldyq sheshіm qabyldaýdy jáne qabyldanǵan sharalar týraly esep berýdі surap, hat joldady.