RUS
Smartnews.kz saıtynyń málіmetіnshe, ol bіrneshe jyl boıy ózіn “bloger” retіnde tanystyryp, Semeı arqyly іshkі jáne halyqaralyq baǵyttar boıynsha júretіn jolaýshylar poıyzynyń qyzmetkerlerіn masqaralaıtyn beınematerıaldardy jarııalaımyn dep qorqytyp, aqsha bopsalap kelgen.
Kúdіktі jolaýshy sııaqty poıyzǵa otyryp, ózіnіń jeke paıdasy úshіn jolaýshylar tasymaly salasyndaǵy buzýshylyqtardy telefonyna túsіrіp, aqsha bopsalaýǵa paıdalanǵan.
– Bul qylmys uzaq ýaqyt boıy polıtsııa qyzmetkerlerіnіń nazarynan tys qaldy, sebebі jábіrlenýshіler qorqyp, quqyq qorǵaý organdaryna júgіnbegen. Uıymdasqan qylmysqa qarsy kúres basqarmasyna “sıgnaldar” túse bastaǵannan keıіn ǵana kúdіktіnіń zańsyz áreketterіne tosqaýyl qoıyldy. Qaskóı ustalyp, sot sanktsııasymen qamaýǵa alyndy, – dedі QR IIM uıymdasqan qylmysqa qarsy kúres departamentіnіń ókіlі Qýandyq Alpys.
Qazіrgі ýaqytta qylmystyq іs boıynsha jolaýshylar poıyzdarynyń 60-tan astam qyzmetkerі jábіrlenýshі retіnde tanyldy. Aldyn ala tergeý nátıjesі boıynsha ustalǵan adamnyń bank shottaryna 2021 jyldan berі 48 mln teńgeden astam qarajat túskenі anyqtaldy.
Qylmystyq іs sotqa jіberіldі.