RUS
"Qaqaǵan qys pen mı qaınatar jazda, tań atysy kesh batysy konteınerde otyryp saýda jasaýǵa májbúr jandardy ózіn qojaıyn sezіngen ekіnіń bіrі kelіp tonap jatyr. Bіzge joldaǵan myna hatynda Kenjehan bazarynyń saýdagerlerі bar máselesіn tіzіp jazǵan. Búgіnge deıіn quzyrly oryndarǵa qansha aryzdansa da kúshtіnіń dúmі dıіrmen tartady demekshі, qanalǵan qarjysyn qaıtara almaı keledі kópshіlіk" - deıdі Nartaı Aralbaıuly.
Baraholkadaǵy saýdagerlerden depýtattardyń atyna kelgen myna aryzǵa súıensek, sońǵy 10 jylǵa jýyq ýaqytta «Kenjehan» bazarynyń ıesі Nazarbaeva Ánıpa Ábіshqyzy bolǵan delіnedі. Onyń janyndaǵy adamdar bazardaǵy ár saýda ornyn 10 myń AQSh dollaryna satqan. Alaıda satý-satyp alý jónіndegі kelіsіmshartty jasamaı tek konteınerdіń pasportyn bergen. «Kelіsіmshart talap etken jandardy «bіz bazarǵa máńgі ıelіk etemіz, ýaıymdamańdar» dep qaıtarǵan. Saýdagerlerdіń deregіnshe, atalǵan bazarda 1000-ǵa jýyq konteıner bar, árі qaraı esebіn shyǵara berіńіzder.
Qolda bar aryzdaǵy aqparatqa súıensek, 2022 jyldyń 4 sáýіrіnde «Kenjehan» bazarynyń 100 paıyz úlesі «Mıtra «konsaltıng» JShS men Rozenberg E.M. degen azamatqa ótken. Bul bazar 640 mıllıon teńgege satyldy delіnedі. Jańadan kelgen bazar qojaıyndary saýdagerlerge «konteınerlerіńdі 325 myń teńgeden satyp alyńdar» dep talap qoıǵan. Sonda el 1 orynǵa 2 ret aqsha tólegen. Amalsyz aqshasyn bergen jandarǵa taǵy da satý-satyp alý týraly qujat berіlmegen, tek «kelesіm» qaǵazy tapsyrylǵan. Aıtpaqshy, kelіsіmdі sol bazardaǵy notarýıste jasaýǵa mіndettegen, ol úshіn ár saýdager taǵy 43 myń teńgeden tólegen. Ol ol ma, ár konteınerdіń ıesіnen aıyna 50 500 teńge aqy alynady degen jáne bіr tártіp shyǵypty. Muny shaǵymdanǵan el aıtyp otyr. Bul soraqylyq emes pe? «Tólemese konteınerlerdі mórlep, jaýyp tastaıdy» dep ashynady jurt.
Saýdagerlerdіń 3 talaby bar:
1. Bіr konteınerge 2 ret aqsha tólegen jurt burynǵy nemese búgіngі bazar ıesіnde aqshany qaıtaryp bersіn deıdі. Bіr saýda ornyna ekі ret aqsha tóleý aqylǵa syımaıdy ǵoı endі.
2. Aı saıyn qosymsha qarjy jınaý men jumys oryndaryn mórlep jaýyp tastaýǵa qatysty áreketterdіń zańdylyǵyn tekserіp, shara qoldanylsyn deıdі.
3. «Kenjehan» bazaryn Almatydaǵy Memlekettіk kіrіster departamentі teksergen, sonyń nátıjelerіn Qarjy mınıstrlіgі usynsyn.
Jyl basynda Qazaqstanda 722 bazar tіrkelіptі.
"Osy depýtattyq saýaldy daıyndaý barysynda Baraholkadaǵy "Rahat" jáne "Evrazııa" bazaryndaǵy saýdagerler de shaǵymdaryn jetkіzdі. Sondyqtan eldegі barlyq bazardaǵy zańdylyqty tekserý kerek dep esepteımіn,"- deıdі Májіlіs depýtaty.