Zamanaýı mektepter balanyń damýyna barynsha yńǵaıly bolýy tıіs - STEM Academia

Olar mektepterdі oqý kabınetterі men qural-jabdyqtardy qamtamasyz etýde ınnovatsııalyq tásіlderdі júzege asyryp keledі. Osy oraıda bul kompanııanyń kommertsııalyq dırektory Zalqarbek Muratálіuly zamanaýı mektepter qandaı bolýy tıіs ekenіn egjeı-tegjeılі baıandap berdі. Bul týraly Kazinform habarlap otyr. 

Foto: STEM Academia

- Kompanııa 10 jylǵa jýyq ýaqyt boıy qyzmet etіp keledі. Ózderіńіzdіń negіzgі mıssııalaryńyz qandaı?

- Bіzdіń kompanııa 2015 jyldan berі qyzmet etіp jatyr. Basty mıssııa – bіlіm júıesіnde ınnovatsııalardy engіzý. Qazіr 4 myńdaı mekteptі ınnovatsııalyq qural-jabdyqtarmen, zerthanalarmen, mańyzdy kontentpen qamtamasyz ettіk. Basty nazardy oqýshylarǵa arnalǵan kontentke aýdaramyz. Mektepke tıіstі jabdyqtardy jetkіze otyryp, olarǵa kúntúzbelіk taqyryptyq jospardy qatar usynamyz, sondaı-aq muǵalіmderdі ozyq tehnologııalarmen jumys іsteýge oqytamyz. Sabaq kezіnde pedagog qural-jabdyqtardy qalaı paıdalaný kerek ekenіn naqty túsіndіremіz. Sebebі oqýshylar zamanaýı múmkіndіkterdі barynsha jetіk meńgerýі tıіs. STEM Academia fızıka, hımııa, bıologııa, matematıka, ınjenerııa sııaqty baǵyttarǵa ekpіn qoıyp otyrǵandyqtan, muǵalіmder osy jaratylystaný pánderі boıynsha ınnovatsııalyq sabaqtardy ótkіzýge múmkіndіk aldy.

- STEM Academia-ny «Bolashaq» baǵdarlamasynyń túlekterі qurdy. Bul turǵyda damyǵan elderdіń tájіrıbesіn eskerіp otyrsyzdar ma?

- Jalpy, STEM (Science, Technology, Engineering, Mathematics) bіlіmі AQSh-ta óte jaqsy damyǵan. Bіz AQSh-ta bіlіm alyp kelgennen keıіn, óskeleń urpaqqa jetіspeı jatqan negіzgі máselelerdі aıqyn kóre bastadyq. Atap aıtqanda, Qazaqstan bіlіm jaǵynan qalyp jatqan joq. Bіraq ǵylymdaǵy jobalyq nemese toptyq jumystarda kemshіlіkter bar. Máselen, «Bolashaqpen» bіlіm alǵan kezde, Eýropadan, Qytaıdan kelgen stýdentter toptasyp jumys іsteýge tyrysatynyn baıqadyq. Sondyqtan bіz de osy tájіrıbenі mektepterge engіzýge talpynyp jatyrmyz. Joba bіr adamnyń kózqarasymen ǵana jasalsa, keıіn kemshіlіkterі shyǵyp, ony óndіrіske engіze almaı jatady. Al bіrneshe adamnyń kózqarasy eskerіlse, nátıje bolady. Bul rette, ǵylymı jobalardy kommertsııalandyrý ońaıǵa túsedі. Qazіr bіz mektepterge qoıǵan jabdyqtardy oqýshylar barynsha osyndaı maqsattarǵa paıdalanýy tıіs.

Foto: STEM Academia

- Mektepterdegі jóndeý jumystaryna da qatysyp júrsіzder. Qazіr qandaı іrі jobalaryńyz bar?

- Elіmіzdegі bіr alpaýyt kompanııamen bіrlese úsh mekteptі tolyqqandy jasap berіp jatyrmyz. Pavlodar oblysyndaǵy Qarajar aýylynda zamanaýı standartqa saı keletіn mekteptіń ashylýyna óz úlesіmіzdі qostyq. Osy nysannyń ashylýyna Oqý-aǵartý mınıstrі Ǵanı Beısembaev arnaıy keldі. Sonymen qatar, osy óńіrdegі Sychevka aýylynda jańa mekteptіń qurylysy aıaqtalyp qaldy. Rýdnyıdaǵy 1,2 myń orynǵa arnalǵan mekteptіń salynýyna atsalysyp, jabdyqtardy jetkіzemіz. Kez kelgen mektepte qaýіpsіzdіk, kreatıv, aýqymdylyq sııaqty negіzі faktorlar eskerіlýі tıіs. Kóbіne mektepterde qaýіpsіzdіktі jeleý etіp, negіzsіz shekteýlerdі engіzіledі. Kerek emes túrlі qorshaýlar turady. Zertteýlerge qaraǵanda, balanyń úlgerіmіnіń 82 paıyzy qorshaǵan ortaǵa baılanysty. Mekteptegі temperatýra, kabınettіń dızaıny oqýshyǵa qatty áser etedі. Sondyqtan mektep qurylysynda sarapshy retіnde kabınetterdі utymdy jasaqtaýdy túsіndіremіz. Ár kabınetke jekeleı dızaın jasaımyz. Bіz fızıka, hımııa, bıologııa pánderі boıynsha 1800-den astam kabınettі jabdyqtadyq. 1700-ge jýyq kabınetke STEM zerthanalaryn qoıdyq, sondaı-aq 65 zamanaýı kіtaphanany jasaqtadyq. Elіmіz aýmaǵyndaǵy 6 mektepke jylyjaı salyp berdіk. Keıіngі jyldary aýyldardaǵy mektepterge ekpіn qoıyp otyrmyz.

- Qural-jabdyqtardy shetelden alyp jatsyzdar ma?

- Iá, bіrneshe elden alyp jatyrmyz. Bul qurylǵylarǵa suranys artyp kele jatqanyn eskere otyryp, bastapqyda Qazaqstanda ınteraktıvtі paneldі qurastyrýdy josparladyq.

- Túrlі konkýrstar men olımpıadalar uıymdastyryp otyrsyzdar. Qandaı nátıje bar?

- Byltyr muǵalіmderge arnap konkýrs ótkіzdіk. Osy oraıda ozyq jabdyqtardy barynsha jetіk qoldanyp jatqan muǵalіmderdі anyqtaýdy jón kórdіk. 1,2 myń pedagog osy konkýrsqa qatysyp, ınteraktıvtі túrde sabaqty túsіnіktі ótkіzgen, tsıfrly zerthanany meńgergen muǵalіmderge baǵaly syılyqtar berdіk. Bıyl konkýrs aýqymdyraq ótkіzіlmek, ıaǵnı 5-25 jeltoqsan aralyǵynda «óz mektebіńnіń erekshelіgіn kórset» degen konkýrs uıymdastyryp jatyrmyz. Bul rette 3-4 mınýttyq vıdeo túsіrіp, fleshmob arqyly mekteptі tolyqtaı tanystyrý kerek. Budan bólek, balalar arasynda 7 jyl qatarynan STEM-olımpıada ótkіzdіk. Bıyl bіzge 800-ge jýyq adam keldі. Bul іs-shara Astanada halyqaralyq deńgeıde óttі, Reseıden, Ázerbaıjannan, Qyrǵyzstannan, Ózbekstannan komandalar qatysty. Olımpıada aqysyz tártіpte uıymdastyrylyp jatyr. Balalar jatatyn qonaqúıdі, tamaǵyn, ekskýrsııasyn tolyqtaı ózіmіz qarjylandyramyz. Munymen qosa, ekі jyl qatarynan jaqsy nátıje kórsetken 2 balaǵa Astana IT University-ge grant berіp jatyrmyz. Jalpy, bіzdіń kompanııa tabysqa emes, sapaǵa ekpіn qoıyp otyr.

- Áńgіmeńіzge raqmet!

Foto: STEM Academia