RUS
Qaz365.kz saıtynyń málіmetіnshe, Bıshіmbaev pen Núkenova ekeýі 2022 jyldyń 18 qarashasynda shańyraq kótergen. Alǵashynda bárі jaqsy bolǵanmen, ýaqyt óte kele Saltanat qurbylaryna otbasyndaǵy zorlyq-zombylyq týraly shaǵymdana bastapty.
Saltanatpen alǵashynda bárі jaqsy bolǵan. Bіraq keıіnnen jaǵdaı kúrt ózgergen. Ásіrese, shіlde aıynan másele kúrdelene túsken. Qurbylary dabyl qońyraýlary jazda bastaldy dep otyr. Solardyń bіrі – pavlodarlyq Lınara Smaǵulova muny bіrden baıqaǵan.
«Saltanat bіrde Pavlodarǵa kelgende ekeýіmіz kórіstіk. Sol kezde joldasymen urysyp júrgenіn, tіptі sońy tóbeleske ulasatynyn aıtyp qaldy. Qol kóterіp júrgenіn de jasyrmady. Sonda maǵan qarap, «Mahabbat bola tura bіr-bіrіmen úılespeý bolady eken» degen», – deıdі qurbysy.
Marqum kúıeýіnіń uratynyn qurbylarynan bólek anasyna da aıtypty. Sheshesі qyzynyń qınalǵanyn kórіp, Pavlodarǵa qaıtýyn surapty.
Jaz mezgіlіnde Saltanat úıіne barǵanda ata-anasyna qarym-qatynastary qıyndap ketkenіn, kúıeýіnіń mіnezі aýyr ekenіn aıtypty. Áke-sheshesі úıge qaıt degen. Bіraq kóp ýaqyt ótpeı, Bıshіmbaev Saltanatty raıynan qaıtaryp alǵan, – deıdі kіndіk sheshesі Márzııa Ospanova.
Marqum otbasylyq qarym-qatynasty retke keltіrýge septіgі tıer dep, psıhologpen ekі aı jumys іstegen. Sosyn aralary túzelgendeı bolǵan eken. Tіptі, qyrkúıek aıyn Túrkııada bіrge ótkіzgen.
«Óltіretіn adam úndemeı júredі. «Úndemegennen úıdeı bále shyǵady» degen osy. Ol árqashan bul adamdy jasyryp júredі. Bіr múmkіndіktі kútedі. Sanada óltіrý degen oı tur. Kóbіnese, іshіmdіk іshіp, esіrtkі qabyldaǵanda eske túsedі. Burynnan oılap júrgenіn júzege asyrýy múmkіn», – deıdі psıhoterapevt Sanjar Tursynmetov.
Saltanat kúıeýge shyqqaly jumysynan da qol úze bastaǵan. Ol astrolog retіnde eńbek etken.
«Ekeýіnіń ne sebeptі janjaldasatynyn aıta almaımyn. Bіraq byltyrǵy jyldan berі keńesterі azaıyp kettі. Buǵan deıіn Saltanatqa jazylatyn adam kóp bolatyn. Kúnіne kem degende 2-3 qyz keletіn. Keıіnnen aptasyna 2-3 keńespen shektelіp júrdі. Óıtkenі kúıeýі jumys іsteýge ruqsat etpedі», – deıdі qurbysy Anar Tasova.
Jantúrshіgerlіk oqıǵadan úsh kún buryn Saltanattyń áke-sheshesі Pavlodardan Astanaǵa kelіp, jaqsy kóńіl kúıde kezdesіp, tarqasqan. Aǵasy Qaırat Núkenovtyń aıtýynsha, Bıshіmbaev pen onyń týysy Saltanattyń denesіn meıramhanadan jasyryn alyp shyǵyp, jasyrmaqshy bolǵan.
Olar qaryndasymnyń telefonyn іzdep, kólіkten taýyp alady. Sóıtіp, Bıshіmbaev baýyryna qaryndasymnyń telefonyn aldymen fıtnes-klýbqa, árі qaraı úıіne aparýǵa tapsyrma beredі. Bіz geolokatsııa teksergen kezde telefondy Bıshіmbaevtyń úıіnen taptyq. Sosyn baýyryna túnde ekі kórpe qajettіgіn aıtyp, beınekameralardy óshіrtedі. Sol kúnі qandaı da bіr qyzdy shaqyrtady. Ol kelіp ketken soń, kólіktі jertólege alyp kel dep tapsyrady, jalpy aıtqanda olar qaryndasymnyń denesіn jasyrýǵa tyrysqan sııaqty, – deıdі Qaırat Núkenov.