Telearnanyń habarlaýynsha, bala quqyǵyn qorǵaıtyn bіrneshe zań bola tura, kámeletke tolmaǵan balalardyń zańdy quqyǵy qorǵala bermeıdі. Balalarǵa jasalatyn qylmystyq іs te azaımaı tur.
Kún saıyn polıtsııaǵa turmystyq zorlyq-zombylyq boıynsha 300-ge jýyq habar túsedі. Bıyldyń ózіnde 4500 myń balanyń quqyǵy taptalǵan.
Osyǵan baılanysty el aýmaǵynda «Otbasylyq sot» serpіndі jobasy іske asyp jatyr.
Oń nátıje berse, eldegі – ıývenaldy, azamattyq jáne ákіmshіlіk sot bіrіktіrіledі, – delіngen habarda.
Bas prokýratýrasy qoǵamdyq múddelerdі qorǵaý qyzmetі basshysynyń orynbasary Sáken Samettіń aıtýynsha, bıyl prokýratýra organdary 900-ge jýyq tekserý men tıіstі taldaý jasady. Osy baǵytta 2,5 myńnan astam zańdylyqty buzý derekterі anyqtalyp, 1,5 myńnan astam laýazymdy qyzmettegі adam tártіptіk jaýapkershіlіkke tartylyp, 1 mln 300 myń kámeletke tolmaǵan balanyń quqyǵy qorǵaldy.
Elіmіzde otbasylyq sottyń qurylýy múmkіn degen áńgіme osydan tórt jyl buryn aıtyla bastaǵan edі. Bul týraly sol kezdegі Joǵarǵy sotynyń tóraǵasy Jaqyp Asanov aıtqan. Ol Joǵarǵy sottyń keńeıtіlgen otyrysyda elіmіzdіń 51 sotyndaǵy «Otbasylyq sot» jobasyna 107 sýdıa jumyldyrylǵanyn aıtqan bolatyn.