RUS
«Osyndaı mazmundaǵy fılmderdі ıdeologııalyq qarý dep baǵalaýǵa bolady. Mundaı fılmder óskeleń urpaqqa óte qatty áser beredі. Óıtkenі balalardyń sanasy álі qorǵana qoımaǵan, osyndaı fılmderdegі kórіnіsterdіń bárіn óz boıyna sіńіrіp alady. Ekrannan ne kórse, soǵan qumar bolady. Mundaı mazmundaǵy fılmder men serıaldar keıіngі jyldary elіmіzde de túsіrіlgen, sondaı-aq beımádenı sheteldіk fılmder de barshylyq. 20 jyl buryn «Brıgada» degen serıal shyǵyp, onyń keıіpkerlerі jasóspіrіmderge qatty áser etkenіn bіlemіz. Jastar solardyń laqap atyn qoıyp alyp, elіktep júrdі. Sondyqtan bul jaǵdaıdy qaýіptі dep sanaımyn», - dedі R. Zaıytov.
Bul turǵyda depýtat elіmіzde osyndaı jaǵdaılardyń aldyn alyp, ıdeologııalyq jaǵynan jaqsy serıaldar men fılmderdіń sanyn kóbeıtý mańyzdy ekenіn aıtty.
«Mınıstrlіktіń bul baǵytta monıtorıng júrgіzetіndeı shamasy bar. Urpaqqa, ultqa zııany tıetіn, jastardyń bіlіm alýyna bóget jasaıtyn terіs ıdeologııaǵa qarsy turyp, osy máselelerge erekshe mán berýіmіz kerek», - dedі depýtat.
Eske salsaq, jaqynda QR Ishkі іster mınıstrlіgі ákіmshіlіk polıtsııa komıtetі tóraǵasynyń orynbasary Renat Zulqaıyrov balalar men jasóspіrіmder tárbıesіne kerі áser etіp jatqan fılmder men serıaldardy atap shyqqan edі.
«Balalar táýlіk boıy ınternettі, áleýmettіk jelіlerdі qarap otyrady. Munda eń tanymal kontent retіnde bіrіnshі orynǵa zorlyq-zombylyq, dórekіlіk pen túrlі prankter shyǵyp otyr. Sonymen qatar, keıіngі kezderі kámeletke tolmaǵandardyń mіnez-qulqyna «Chernyı dvor», «Patsanskaıa ıstorııa», «Taraz», «Slovo patsana» sııaqty tanymal fılmder kerі áser etіp jatyr», - dedі R. Zulqaıyrov.