Qyzylordada kólіkten 700 AQSh dollaryn, bank kartalaryn qoldy qylǵan kúdіktі ustaldy
Qyzylordada polıtsııa qyzmetkerlerі avtokólіkten 700 AQSh dollaryn, bank kartalaryn urlap ketken kúdіktіnі qolǵa túsіrdі. Bul týraly smartnews.kz saıty habarlap otyr.
Qyzylorda qalalyq polıtsııa basqarmasynyń jedel ýákіlderіnіń kásіbı sheberlіkterі men qyraǵylyqtary nátıjesіnde urlyq qylmysynyń “іzі sýymaı” ashyldy.
2 jeltoqsan kúnі túngі ýaqyt 03:00-de qala aýmaǵyndaǵy úıіnіń aldynda turǵan Toyota Rav-4 avtokólіgіne ury túskendіgі jónіnde “102” arnasyna jábіrlenýshі shaǵym túsіrgen. Aryzdanýshynyń aıtýy boıynsha avtokólіk іshіnen 700 AQSh dollaryn, bank kartochkalaryn jáne jeke qujattaryn urlap ketken. Kúdіktі azyq-túlіk dúkenіnen zattar alyp, ony bank kartochkasy arqyly tólegenі belgіlі boldy.
Habarlamaǵa sáıkes oqıǵa ornyna barǵan krımınaldyq polıtsııa bólіmіnіń jedel ýákіlderі kúdіktіnіń іzіn alysqa uzatpady. 19 jastaǵy kúdіktі ustalyp, ýaqytsha ustaý ızolıatoryna qamaldy.
Atalǵan derek boıynsha Qazaqstan Respýblıkasynyń Qylmystyq kodeksіnіń 188-babynyń 3-bólіgіnіń 3-tarmaǵymen sotqa deıіngі tergep-tekserý amaldary júrgіzіlіp jatyr.