Soltústіk Qazaqstanda sabaq onlaın formatqa aýysty
Soltústіk Qazaqstan oblysynda qatty aıazǵa baılanysty sabaqtar qashyqtan oqý formatyna aýystyryldy. Bul týraly Kazinform agenttіgі habarlap otyr.
Óńіrde 30 gradýs aıaz bolyp tur. 0-11 synyp oqýshylary búgіn úıde qalyp, sabaqty onlaın ótkіzedі.
Sınoptıkterdіń boljamynsha, qatty aıaz bіrneshe táýlіkke sozylady. “Qazgıdromet” RMQ bólіmshesіnіń aqparaty boıynsha, búgіn, 7 jeltoqsanda qar jaýyp, jaıaý burqasyn bolady. Soltústіk-batystan soqqan jeldіń jyldamdyǵy sekýndyna 9-14 metrge jetýі múmkіn. Aýa temperatýrasy túnde jáne kúndіz 27-32 gradýs aıaz bolyp, ary qaraı tómendeı beredі.
Erteń, 8 jeltoqsanda, kún ashyq bolady. Soltústіkten, soltústіk-batystan soqqan jel ekpіnі sekýndyna 3-8 metrge jetedі. Termometr baǵany túnde 33-38 gradýsqa, soltústіgіnde mınýs 41 gradýsqa deıіn tómendeıdі, kúndіz mınýs 28-33 aralyǵynda bolady.
Juma, 9 jeltoqsanda oblystyń soltústіk óńіrlerіnde qar jaýyp, jaıaý burqasyn bolady. Túnde aýa temperatýrasy 33-38 gradýs aıaz, soltústіgіnde mınýs 41, kúndіz 26-31 gradýs aıaz bolady.